Drježdźany (SN). Sakscy burja dóstawaja mjez hodami a Nowym lětom swoje tak mjenowane direktne płaćenja Europskeje unije. Na to skedźbni wčera ministerstwo za wobswět a ratarstwo w Drježdźanach. Dohromady 247 milionow eurow z hornca EU ma nimale 7 300 ratarjam w swobodnym staće likwiditu jich zawodow zawěsćić a jim planowansku wěstotu zaručić, kaž ratarski minister Thomas Schmidt (CDU) wuzběhny.