Podpěra za pobrachowacu škričku

srjeda, 08. meje 2019
artikl hódnoćić
(0 )

Towarstwa trjebaja stajnje zaso podpěru, zo móhli swoje projekty zwoprawdźić. Nowy program Budyskeje wo­krjesneje lutowarnje jim nětko pjenjezy zběrać zmóžnja.

Budyšin (SN/BŠe). Towarstwa maja zwjetša wulku ličbu čłonow, kotřiž z połnej paru za jednu wěc dźěłaja. „Zwjetša pak poslednja škrička, mjenujcy pjenjezy, pobrachuje“, zwurazni wčera nawoda předsydstwa Budyskeje wokrjesneje lutowarnje Dirk Albers na zahajenskim zarjadowanju, hdźež su program zjawnosći předstajili.

Lars Räbiger z předewzaća neorot, kotrež zestaja platformu 99 škričkow (99 Funken), je přitomnym rozkładł, kak tak mjenowany crowdfunding funguje. Crowd steji za ludźi, funding za financy. Po zmysle programa ma so tuž wjele ludźi financielnje na jednym projekće wobdźělić. W zajimawym přednošku spo­srědkowa Räbiger čłonam najwšelakorišich towarstwow Budyskeho wokrjesa mnoho pokiwow. „Powědajće swoju stawiznu z pomocu filma a wobrazow. Pokazajće swój zapal za ideju, kotruž chceće zwoprawdźić“, wón zastupnikow towarstwa namołwi.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND