W strowotniskim centrumje je nowa praksa zaso swobodna

Radwor (SN/BŠe). Mediciniske zastaranje na wsach je jara wažne. Wo tym přeswědčeny je zdobom Rudolf Rychtar, ­kotryž hižo dlěje hač pjeć lět w Rakecach strowotniski centrum wobhospodarjuje. Wón je iniciator a inženjer wobšěrneho projekta. Bywša kupnica bě jemu zakład, zo móhł zarjadnišćo zwoprawdźić a ze žiwjenjom pjelnić. Tole je so jemu tež jara derje radźiło. Najwšelakoriše poskitki strowotniskeho razu su pola njeho na jednym městnje zaručene. Pod jeničkej třěchu su baba, optikarka, kumštna se­lowa prózdnjeńca-salina a fyzioterapija z wosebitym kružkowym treningom zaměstnjene. Tež lěkarsku praksu za po­wšitkownu medicinu Joachima Teicha tam namakaš. „Hač do měrca je tež urologa w dalšej praksy tu w centrumje praktikował. Wšitke rumnosće běchu tuž wobsadźene“, Rakečan wopisa. Lěkar bě pak bohužel poskitk praksy we Wojerecach přiwzał. Přičiny toho su chětro kompleksne.