Angažuja so za regionalnych producentow
Towarstwo perspektiwa Hamor z. t. chce w regionje tworjene hódnoty zwyšić a jich direktne zwičnjenje zaměrnje sylnić. Jedyn tajki puć su prěnje přirodowe a regionalne wiki na Hamorskim přibrjohu Bjerwałdskeho jězora.
Hamor (AK/SN). Christine Zeidler, čłonka předsydstwa towarstwa Perspektiwa Hamor z. t., podšmórny sobotu na prěnich přirodowych a regionalnych wikach na Hamorskim přibrjohu Bjerwałdskeho jězora: „Regionalni wikowarjo trjebaja wjace móžnosćow, zo bychu swoje produkty předawali.“ 15 wikowarjow ze Zhorjelskeho a Budyskeho wokrjesa bě so na poskitku wobdźěliło. Woni su wopytowarjow z originelnej, luboznje přihotowanej snědanju witali. Zarjadowanje je start projekta „Přirodowe a regionalne wiki“ było. Zaměr je, kóždu třeću sobotu měsaca tajke wiki přewjesć. Nošny zaměr towarstwa je, wutworić małe wobchody, kotrež bychu wsy wožiwili a regionalnym wikowarjam šansu skićili, swoje produkty poskićeć a předawać.
Saksku karpowu sezonu zahajili
WiL: wolóženja a podpěry trěbne
Tuchwilna kriza słabosće energijoweje politiki Němskeje wotkrywa, zo je tuta jednostronsce na nanajspěšniše docpěće naročnych klimowych cilow wusměrjena. Jadrowa energija a wuhlo buštej z wikow stłóčenej, za wěste zastaranje njeje dosć alternatiwow wuwitych. Wotwisnosć wot zemskeho płuna je tak wysoka kaž w lědma druhim kraju Europy. Łužiska hospodarska iniciatiwa (WiL) je wčera pjeć žadanjow w boju přećiwo energijowej krizy předstajiła.
Narok zamołwitych
Nowa twornja za baterije
Grodk (dpa/SN). Předewzaće skupina Altech chce we Łužiskim industrijnišću Čorna Pumpa twornju za dale wuwite keramiske baterije twarić. Zawod ma bjez materialijow, kaž stej to litium abo kobalt, baterije produkować. K tomu je Altech z Fraunhoferskim institutom za keramiske technologije a systemy (IKTS) dojednanje wotzamknyło, předewzaće wčera zdźěli. Při tym dźe wo baterije za milinowu syć. Nimo toho dóstanje institut slědźerski nadawk ze stron Altech, wuwić wotpowědnu technologiju za produkciju tajkich baterijow.
Planowanje twornje chcedźa hač dosrjedź lěta 2023 wotzamknyć. Prěnja připrawa w industrijnišću ma potom z lětnym wukonom 100 megawattowych hodźin dźěłać započeć.
Wosebitosć tak mjenowanych cerenergy-baterijow je, zo njetrjebaja hižo litium kobalt, kopor abo grafit, rozłoži Uwe Ahrens z nawodnistwa Altech. Nowe baterije wobsteja hłownje z keramiskeje roły, do kotrejež so sel město litiuma zawjedźe. „Wuwiće je absolutnje nješkódne za wobswět a móže so z lokalnje k dispoziciji stejacymi mineralemi produkować.“
Dobyćerjow mytowali
Sankcije su tola dale móžne
Hdyž jenož wo kołbasu njeńdźe
Domjace swinjo jako wšožračk přewodźa čłowjeka hižo dlěje hač 9 000 lět a je tak najstarše wužitne skóćo. Jako dodawar mjasa je wone poboku čłowjeka wjele wotrězkow wuwića nazhoniło. Swinjace mjaso je dźensa w Europje a we wuchodnej Aziji najpožadaniše.
Produkcija swini je w Sakskej wažny dźěl ratarstwa a wučinja z produkciskej hódnotu 100 do 150 milionow eurow wob 4 lěto něhdźe 12 do 18 procentow hódnoty skótneje produkcije. To je něhdźe pjeć do wosom procentow hódnoty cyłeho sakskeho ratarstwa.
Po cyłej Němskej wučinja tónle podźěl jenož dwaj procentaj. W Sakskej plahuja přerěznje něhdźe 660 000 swini. Z toho je někak 72 800 plahowanskich swini, 395 000 prosatow a młodych swini a nimale 200 000 kormnych swini. Tele ličby su w minjenych lětach nimale konstantne wostali. Rancy k plahowanju dźerža po 75 procentach we wobstatkach z wjac hač tysac skoćatami. Tu plahuja lětnje wjace hač połdra miliona kormnych prosatow, w Sakskej pak kormja z nich jenož 40 procentow hač k docpěću rězneje wahi, to je 120 kilogramow.
Kotre družiny w Sakskej mamy?
Na turje lět trutow dožiwił
Kamjenska syć „3D-Aero“ chce transport tworow z elektrotrutami bjez wobsadki we Łužicy zadomić. Sakski hospodarski minister Martin Dulig (SPD) je nětko tež na lětanišću Lessingoweho města přebywał.
Kamjenc (IF/SN). Wysoki wopyt su na syći „3D-Aero“ wobdźěleni wčera na Kamjenskim lětanišću witali. We wobłuku swojeje „Hospodarskeje tury 2022“ je sakski hospodarski minister Martin Dulig (SPD) tam přebywał. Tři dny je minister po puću a informuje so w předewzaćach w Drježdźanach, we wuchodnej Sakskej a w Kamjenskim rumje.
Wopyty maja pokazać, z kotrymi faktorami stanu so wuzwolene firmy z pućrubarjemi swojeje branše a kotre iniciatiwy woprawdźity potencial na wikach lubja. Za to su tónkróć wotpohladnje skerje njeznate předewzaća a industrijne syće wuzwolili. W dźěłowym titlu bě tuž rěč wo „ćichich stawizničkach wuspěcha“.
Wulki dźěl je optimistiski
Drježdźany (dpa/SN). Ludźo w swobodnym staće hladaja, najebać tuchwilne ćeže, pozitiwnje do přichoda. Tole wuchadźa ze sakskeho monitoringa, kotrehož wuslědki su zawčerawšim w Drježdźanach předstajili. „Swój optimizm njejsće w pandemiji zhubili, to je kedźbyhódne a je mje překwapiło“, šef statneje kenclije Oliver Schenk (CDU) wuzběhny. Kaž z rezultatow wuchadźa, je nalada w Lipsku najlěpša, mjeztym zo su ludźo w Hornjej Łužicy najnjespokojniši.
„Po analyzy zhladuja tři štwórćiny naprašowanych wosobinsce pozitiwnje do přichoda“, jednaćel slědźenskeho instituta dimap Reinhard Schlinkert rozprawješe. Pola młódšich wobydlerjow je to 85 procentow a pola staršich znajmjeńša 67 procentow. Wuslědki monitora je koronapandemija zdźěla sobu charakterizowała. Wuskutki wójny w Ukrainje njeběchu za čas přewjedźenja naprašowanja hišće tema. Wot lońšeho nowembra hač do srjedź měrca je so institut cyłkownje 2 013 ludźi naprašował. Napadnje, zo je mjenje njepřećelstwa wukrajnikam, muslimam, Sintam a Romam napřećo kaž tež hladajo na homofobiju.
