SJ Njebjelčicy

– Arnsdorfske KT 2:2 (0:1)

Zestawa domjacych: Hahn – Pawlik, Hommel, Haška, Šołta (85. Kral), Hanuza, Cyž, Hrjehor, Janca, Lejnart, Korjeńk (65. Čornak)

Najebać mnoho dešća w minjenych dnjach běše Njebjelčan trawnik wuběrnje spřihotowany.

Partija bě ze wšeho spočatka dosć spěšna a wotměnjawa. Po dźesać mjeńšinach wunjese to Njebjelčanam zasobu tři róžki. Hakle w 20. min. nasta tak mjenowana stoprocentna šansa. Tadej Cyž pak sadźi přihrawku Handrija Korjeńka z praweje strony nimo žerdźe. Dwě mjeńšinje po tym nawjedowachu hosćo z 0:1. Woni wužichu jich prěnju šansu hnydom k wrotam a pokazachu zymnokrejnje to štož domjacym hustodosć pobrachuje. Wólny kop Roberta Lejnarta wunjese dalši róžk, wjace pak nic. Nětko zmuži so Christof Janca. Z praweje strony na wrota so měrjo, trjechi wón pak jenož łatu (28.). Potom předrě so na prawej stronje Cyž k zakładnej liniji. Wróćo połoženy bul pak Lejnart tak prawje před klětku hosći stejo njetrjechi. Byrnjež po wuhratych šansach z dwojimi abo třomi wrotami nawjedować dyrbjeli, dźěchu domjacy ze zastatkom 0:1 do přestawki.