Wjac dźěławych w Hornjej Łužicy

štwórtk, 12. apryla 2018
artikl hódnoćić
(0 )

W Hornjej Łužicy je telko dźěłopřijimarjow kaž hižo nimale 20 lět nic. To zdźěla Budyska dźěłowa agentura a mjenuje dobru hospodarsku konjunkturu jako přičinu.

Budyšin (CK/SN). W Hornjej Łužicy je tuchwilu 200 850 dźěławych z winowatostnym socialnym zawěsćenjom. „To je prěni raz po lěće 1999, zo mamy zaso wjac hač 200 000 dźěławych“, rozłožuje Ilona Winge-Paul, operatiwna jednaćelka Budyskeje agentury za dźěło. Lěta 2008 bě jeno 165 233 ludźi w dźěłowym poměrje z winowatostnym socialnym zawěsćenjom. Wjetša ličba je wuraz dobreje hospodarskeje konjunktury, potwjerdźa ­Ilona Winge-Paul. Předewzaća su stabilne a su zwólniwe nowych sobudźěłaćerjow přistajić, wona wuswětla. Jako bjezdźěłni přizjewjenych bě minjeny měsac w Hornjej Łužicy 21 512 žonow a muži. Najwjace bjezdźěłnych w měrcu wujewja statistika za lěto 2002 z 73 439 ludźimi.

wozjewjene w: Hospodarstwo
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND