Socialni dźěłaćerjo pytani poručenje

srjeda, 02. meje 2018
artikl hódnoćić
(0 )

Wobkedźbować maja so zakoń a indiwiduelne přeća požadarjow

Budyšin (SN/MiR). Rěčny centrum WITAJ (RCW) je wupisał tři dźěłowe městna za šul­ske socialne dźěło. Zakład tohole postupowanja su směrnicy Sakskeho statneho ministerstwa za socialne a škit přetrjebarjow wo spěchowanju šulskeho socialneho dźěła w Swobodnym staće Sakska (FRL Schulsozialarbeit) ze 14. februara 2017. Tam je definowane, zo maja so wot awgusta 2018 na wšitkich wyšich šulach Sakskeje zasadźeć šulscy socialni dźěłaćerjo. W RCW skutkuja na tymle polu tuchwilu štyrjo fachowcy a to na wyšich šulach w Kulowje, Worklecach, Ra­dworju a Budyšinje. Ze spočatkom no­weho šulskeho lěta ma so tajke městno prěni króć na Ralbičanskej wyšej šuli wutworić. „Ralbičanska šula prócuje so hižo dlěje wo to, dóstać šulskeho socialneho dźěłaćerja abo dźěłaćerku. Z nowymi směrnicami budźe tole nětko móžno“, rozłožuje nawodnica RCW dr. Beata Brězanowa. Hladajo na tuchwilne wupisanje wě wona wo wjacorych zajimcach za tele dźěło. Jedne pisomne požadanje zarjadej hižo předleži.

wozjewjene w: Socialne
Prošu přizjewće so, chceće-li komentar podać

Serbska debata

nowostki LND