Najsylniše hłosy mytowali

srjeda, 09. meje 2018
artikl hódnoćić
(0 )
Wustup Brětnjanskeje dźěćaceje rejwanskeje skupiny bě minjenu sobotu jedyn z wjerškow Ćišćanskeho nalětnjeho swjedźenja  Foto: Johann Tesche Wustup Brětnjanskeje dźěćaceje rejwanskeje skupiny bě minjenu sobotu jedyn z wjerškow Ćišćanskeho nalětnjeho swjedźenja Foto: Johann Tesche

Tradicionelnje prezentowaše so minjenu sobotu Ćišćanski nalětni swjedźeń z kwětkami a zeleninowymi rostlinami kaž tež z drjewjanymi, wołmjanymi a keramiskimi wudźěłkami. Wo ćělne derjeměće swojich hosći postarachu so organizatorojo nalětnich wikow z gulašowej poliwku z pólneje kuchnje, ze samo­pječenym tykancom, z plincami a z čerstwym chlěbom z tamnišeje pjecy.

Prěni raz je lětsa serbska dujerska ka­pa­­ła Horjany rańše piwko hudźbnje wob­rubiła. Hromadźe ze swojimi swěrnymi fanami z Hućiny a Worklec zaručichu muzikanća najlěpšu naladu mjez připosłucharjemi. „Přewodźamoj kapału na nimale wšitke koncerty“, rjeknyštaj Helmut a Hannelore Paff ze Złeho Komorowa. Jako zahoritaj rejwarjej staj 83lětny a jeho 77lětna mandźelska lědma jednu štučku skomdźiłoj. Kedźbyhódne běchu tohorunja spěwne kwality mnohich wopytowarjow. Tym z najsylnišim hłosom so moderator Horjanow Uwe Macka ze słódnej kapku podźakowa. Wosebje wu­zběhny wón Ursulu Schäfer z Wojerec, kotraž so jako rodźena Wětničanka hižo stajnje za dujersku hudźbu zajimuje.

wozjewjene w: Serbski powěstnik
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND