Wo Serbach we Łužicy so wobhonili

pjatk, 17. meje 2019
artikl hódnoćić
(0 )
Handrij Njek  je dźensa dopołdnja seniorow měšćanskeje cyrkwinskeje wosady z Baden-Badena  po Budyskej tachantskej cyrkwi wodźił.  Foto: SN/Maćij Bulank Handrij Njek je dźensa dopołdnja seniorow měšćanskeje cyrkwinskeje wosady z Baden-Badena po Budyskej tachantskej cyrkwi wodźił. Foto: SN/Maćij Bulank

Budyšin (aha/SN). Njeposrědnje po politiskim přewróće je Gabriele Pattberg, redaktorka telewizije SWR-Südwestfunk do Drježdźan přišła. Tam najwjedowaše dźewjeć lět a po tym runje tak dołho w Lipsku redakciju ARD-aktualnje pola sćelaka MDR. Njeje do toho znała wuměnjenja a poměry, kaž běchu wone za čas NDR. Tež wo Serbach njeje ničo do toho wědźała, ale zajim za narodnu mjeńšinu zbudźi so w njej, jako so za kulojtym blidom wobdźěli. We 18 lětach dźěławosće pola MDR bě wjacore razy w Budyšinje a je so na serbskich wsach wot Radworja přez Pančicy-Kukow hač do Ralbic rozhladowała. Je w pěstowarnjach a šulach a druhdźe z ludźimi rěčała, zo by wo jich problemach a starosćach zhoniła. Mjeztym jako wuměnkarka zaso w swojej domiznje je tam wjele wo Serbach, jich nałožkach a kulturje powědała.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND