Hosćo so zmužiće wobarali
FC Energija Choćebuz
– FC Hornja Łužica Neugersdorf 2:0 (0:0)
Zestawa domjacych: Spahić – Starcew, Matuwila, Stein, Schlüter, Kruse (77. Gehrmann), Zimmer (87. Karbstein), Weidlich, de Freitas, Viteritti, Boakye (61. Mamba)
Zestawa hosći: Pokorny – Fagan, Wolf, Matula, Merkel, Dittrich, Petrick (49. Gerstmann), Loucka, Sakar, Vachoušek (80. Becker), Marek (88. Djumo)
FC Hornja Łužica smědźeše so dołho dypka nadźijeć, 2:0 za FC Energiju pak bě na kóncu korektny wukón derbyja. Z nazhonitymi hrajerjemi, a to wosebje w škiće, postarachu so hosćo wo ćeže pola faworizowanych hosćićelow. Šansy na wrota njemóžachu so mjenujcy porjadnje wuhrać. Přewaha FCE bě stajnje widźomna, Neugersdorf pak hraješe z wulkim angažementom.
Budissa přećiwo nowačkej dobyła
Budissa Budyšin
– VSG Altglienicke 3:1 (0:0)
Zestawa domjacych: Ebersbach – Kunze, Patka, Hoßmang, Mack, Krawčik (62. Heppner), Müller (84. Kloß), Pfanne, Milde, Schmidt, Bönisch (79. Gehrmann)
Sobotu bě do Budyšina na Młynkec łuku postupnik Altglienicke přijěł, zo by z mustwom Budissy Budyšin mocy měrił. Berlinjenjo, kiž maja někotre znate mjena (na přikład Torsten Mattuschka, Boubacar Sanogo) w swojich rjadach, přewzachu wot spočatka komando na hrajnišću. Hra Budissy měješe w prěnjej třećinje tójšto zmylkow. Boubacar Sanogo měješe prěnju jara dobru składnosć za hosći. Třělwa pak prasny na zbožo jenož na łatu wrotow (22.). Prěnju móžnosć za hosćićela měješe Josef Müller. Třělwa hosći pak wrota snadnje misny (24.). Nětko Budissa pomału wotući a měješe tež někotre dobre móžnosće. Kevin Bönisch bu wot Tonyja Schmidta posłuženy, třěli pak snadnje nimo wrotow (37.). Budyski škit steješe wěsće a njedowoli hosćom ničo.
Pakoßnick na čole lisćiny najlěpšich třělcow
We wokrjesnej koparskej lize-stafla II su w aktualnej lisćinje najlěpšich třělcow tež wjacori koparjo serbskich mustwow z Pančic-Kukowa, Njebjelčic a Chrósćic. Lisćinu nawjedujetaj po třinatym hrajnym dnju z 13 wrotami Jakob Pakoßnick ze ST Marijina hwězda a Dennis Garbe z Natwara Němske Pazlicy. Na štwórtym městnje sćěhuje Handrij Korjeńk ze Sportoweje jednotki Njebjelčicy a na pjatym Jan Bogusz z SJ Chrósćicy II. Korjeńk je dotal 11 króć trjechił, Bogusz dźewjeć króć. Do top ten słuša tež Richard Hawš ze ST Marijina hwězda ze sydom.
Ali Eldor (ST Marijina hwězda) ma dotal pjeć wrotow, Robert Lejnart (SJ Njebjelčicy) a Falko Peschmann (ST Marijina hwězda) štwore, dwójce trjechištaj Jurij Haška a Stefan Kral (SJ Njebjelčicy), Měrćin Jakubaš a Klemens Mark (SJ Chrósćicy). Jedne wrota maja ze SJ Chrósćicy Matti Bětnar, Dominik Šmit, Maximilian Zahrodnik, Stefan Liznar, ze SJ Njebelčicy Tobias Deleńk, Paul Hrjehor, Sandro Schulze, Florian Domš a ze ST Marijineje hwězdy Oskar Hawš, Alex Winkler, Sebastian Prasse, Tobias Škoda a Jakobus Kuring. Jurij Bjeńš
Wuslědki (05.12.17)
Regionalna koparska liga
Halberstadt – Luckenwalde 4:0 (1:0)
Hertha BSC II – Lok Lipsk 2:3 (1:1)
BFC Dynamo – Fürstenwalde 4:0 (1:0)
Auerbach – Viktoria1:0 (0:0)
Budissa Budyšin – Altglienicke 3:1 (0:0)
Meuselwitz – Nordhausen 2:2 (2:1)
Choćebuz – Neugersdorf 2:0 (0:0)
Neustrelitz – Chemija Lipsk 3:0 (3:0)
1. Energija Choćebuz 16 41 : 4 44
2. BFC Dynamo 17 42 : 20 33
3. Nordhausen 17 21 : 10 29
4. Fürstenwalde 17 33 : 27 28
5. Lok Lipsk 16 21 : 13 27
6. Meuselwitz 16 25 : 18 24
7. Babelsberg 17 20 : 19 23
8. Neugersdorf 17 27 : 29 23
9. Berlinski AK 16 25 : 27 23
10. Halberstadt 17 30 : 30 22
11. FC Viktoria 16 28 : 27 21
12. Hertha BSC II 17 22 : 25 21
13. Budissa Budyšin 16 14 : 20 21
14. Altglienicke 16 13 : 18 18
15. Auerbach 17 20 : 27 17
16. Neustrelitz 17 17 : 33 13
17. Chemija Lipsk 18 8 : 31 13
18. Luckenwalde 17 14 : 43 5
krajna klasa
Neugersdorf II – Ćisk 4:3 (2:1)
Borea Drježdźany – Mužakow 1:0 (0:0)
Weixdorf – Laubegast 1:3 (1:2)
1. FSV Nowosólc-Hródk 13 38 : 18 26
2. FSV Oderwitz 13 33 : 22 26
3. LSV Nowe Město 14 38 : 32 24
4. Laubegast 14 34 : 29 24
5. Čerwj.-běli Mužakow 13 34 : 22 20
6. ST Horni kraj-Sprjewja 13 32 : 20 20
7. SG Weixdorf 14 27 : 28 20
8. FC Neugersdorf II 13 30 : 21 19
9. SZ Drježdźany-Strěžin 12 31 : 16 17
10. SJ Chrósćicy 13 20 : 32 15
11. ST Ćisk 13 19 : 30 14
12. ST Trjebin 12 13 : 37 12
13. SC Borea Drježdźany 13 23 : 45 11
14. Drježdźanski SC 12 23 : 43 8
NOFV-wyša liga
Union Sandersdorf – Plauen 5:0 (3:0)
Kamjenc – Eilenburg0:0 (0:0)
Kśišow – Merseburg1:0 (0:0)
Bernburg – Biskopičanske KT 0:1 (0:1)
1. Biskopičanske KT 14 33 : 6 35
2. FC International Lipsk 14 33 : 7 33
3. VFC Plauen 14 20 : 14 31
4. FC Eilenburg 14 27 : 10 26
5. FC Carl Zeiss Jena II 14 26 : 19 25
6. TV Askania Bernburg 14 21 : 19 20
7. SG Union Sandersdorf 14 26 : 24 18
Sokoljo derby snadnje dobyli
Sokoł Ralbicy/Hórki
– ST Radwor 2:1 (1:1)
Zestawa domjacych: Ch. Gloxyn – Rawš, Zynda, Šewc, J. Bjeńš, Janca (57. D. Gloxyn), Šołta, S. Bjeńš, Matka (82. Młynk), Kurjat (69. B. Bjeńš), Domaška
Zestawa hosći: Kral – Henke, Šěrak, Zähr (67. Hančik), Wjenka, Nuk, Zimmermann, Winar, Bejmak (77. Omran), Schulze, M. Kurjat
Tribuna w Ralbičanskim Stadionje přećelstwa bě po dołhim času zaso raz derje pjelnjena, wšako přichwata do Ralbic postupnik z Radworja k serbskemu derbyjej. Wšitcy hrajerjo so mjez sobu dosć derje znaja, a tohodla knježeše na hrajnišću stajnje napjata, ale fairna nalada. Jenož sudnik Clemens Mey měješe swoju lubu nuzu, prawu nitku namakać – mustwje běstej z wukonom sudnika njespokojom.
Načolnistwo skrućili
Z jasnym dobyćom přećiwo TTC Wojerecam III z 11:4 je prěnje blidotenisowe mustwo DJK Konjecy swoje načolnistwo w 1. wokrjesnej lize skrućiło. Wšitke dwójki swoje duele dobychu. W prěnim kole jednotliwcow dypkowachu Alojs Čóška, Michał Elstner a Pětr Bejma, tak zo delanscy blidotenisća ze 6:3 wućeknychu. W druhim kole běchu Rafał Šěrak, Maćij Kokla, Dierk Šewc a znowa Čóška a Elstner wuspěšni, a jasne dobyće bě perfektne.
W 1. wokrjesnej klasy wočakowaše Konječanske druhe mustwo suwereneho načolnika TuS Gersdorf III. A bjezmała by načolnika poskubał. Pola dwójkow dobyštaj Dietmar Hrjehor a Stefen Woko swoju hru. Tak mějachu Konječenjo po prěnich hrach zastatk 1:2. W prěnim kole jednotliwcow dypkowachu za Konjecy Rudolf Wittig, Rainer Roßmy a Stefen Woko, tak zo startowachu hosćo z 5:4 do druheho koła. Tam přesadźichu so Dietmar Hrjehor, Julian Hrjehor a znowa Woko. Při stawje 8:7 dyrbješe štwórta dwójka hru rozsudźić. Tu pak staj Hrjehor/Woko z 2:3 cyle njezbožownje podležałoj. W pjatej sadźbje běštaj wonaj dołho nawjedowałoj, doniž ze 17:19 njepřěhraštaj.
Widźał,słyšał, napisał (04.12.17)
Awtor dźensa
Křesćan Korjeńk
„To tola móžno njeje, to tola być njemóže!“ Tajke wuprajenja słyšiš často, hdyž rěči so wo njewšědnym podawku, wo wěstej fazy abo wo njewočakowanym rozsudźe. Žiwjenje ma mnohe tajke situacije, ma nimale kóždy dźeń překwapjenki, z kotrymiž njejsmy ličili. A dokelž je to kolumna ze sportowej tematiku, pohladam z tohole městna raz do swěta sporta. Njeje wjace dołho do zahajenja olympiskich zymskich hrow w Južnej Koreji. W nimale wšitkich disciplinach běža poslednje přihoty a wotměwaja so wurisanja. Nastajene kriterije, normy, časy a zdalenosće za kwalifikaciju su wšitkim sportowcam znate.
Druhdy pak dožiwiš swojorazne rjadowanja. Tak čitach njedawno, zo dóstanje sportowy partner krasnosmykarki Aljony Zawčenko, Bruno Massot, po dwójnym zwrěšćenju w rěčnym pruwowanju nětko tola staćanstwo Němskeje a smě při olympiskich hrach startować. Žane wopačne twjerdźenja hač je tam něchtó poslednje pruwowanje wobwliwował! A jeli staj na kóncu wuspěšnaj, potom bu wšitko prawje činjene!
Wuslědki (04.12.17)
Wokrjesna wyša koparska liga
Kulow – Großröhrsdorf 1:1 (1:0)
Budyšin – Rakečanske ST 0:5 (0:2)
Großnaundorf – Hory 2:1 (2:1)
Ramnow – Wojerowski FC 1:1 (0:1)
Ralbicy/Hórki – Radwor 2:1 (1:1)
1. SC Großröhrsdorf 14 28 : 5 34
2. Módro-běli Kulow 14 38 : 13 28
3. Wojerowski FC 14 29 : 20 27
4. SG Großnaundorf 14 31 : 21 25
5. Rakečanske ST 14 32 : 21 24
6. LSV Hory 14 34 : 28 22
7. Motor Kumwałd 14 23 : 21 22
8. Drohotka Ramnow 14 28 : 25 21
9. Sokoł Ralbicy/Hórki 14 18 : 18 21
10. ST Hnašecy-Dobruša 14 27 : 28 18
11. ST Wjelećin 14 27 : 38 15
12. ST Radwor 14 29 : 34 14
13. Zeleno-běli Bukecy 14 18 : 37 14
14. Póst German. Budyšin 14 19 : 25 12
15. ST Kinspork/Łužnica 14 22 : 41 10
16. ST Budyšin 14 13 : 41 7
wokrjesna klasa, stafla III
1. LSV Bluń 10 53 : 6 30
2. SZ Wóslink/Skaskow 10 42 : 6 24
3. SV Hermsdorf 10 46 : 17 19
4. LSV Hory II 10 35 : 15 19
5. Módro-běli Kulow II 10 17 : 27 15
6. ST Lubuš II 10 25 : 37 14
Sport (01.12.17)
Volleyballowe mustwa pohonjeć
Prěnje volleyballowe mustwo ST Viktorije Worklecy budźe jutře hosćićel za cyłkaj z Wojerec a Budyšina. Worklečenjo, kiž su dotal wšitke partije přěhrali, su nuznje na pomoc přiwiska pokazani. Prěnja hra započnje so w 14 hodź., dalša wokoło 16 hodź. Marijine hwězdźički nastupja sobotu 14 hodź. pola VFB Wojerecy. Druhe volleyballowe mustwo muži Worklečanskeje Viktorije hraje njedźelu w 10 hodź. we Wojerecach.
Za turněr so přizjewić
Serbski Sokoł, třěšny zwjazk serbskich sportowčow a sportowcow, namołwja zajimowane mustwa, přizjewić so za 36. sokołski volleyballowy turněr wo pokal Domowiny, kotryž budźe klětu 10. měrca w Budyšinje. Wupisanje steji na internetnej stronje Sokoła.
Hotuja so na koparski derby
W Delanach hotuja so koparjo Sokoła Ralbicy/Hórki na dalšu šlagrowu hru. Po pokalnym duelu zašły kónc tydźenja wočakuja woni zajutřišim prěni raz ST Radwor. Zakop premjerneho serbskeho derbyja zahwizda sudnik Clemens Mey w 13.30 hodź.
Dalše koparske hry:
2.12. 13:30 Budissa Budyšin
– Altglienicke
2.12. 13:30 Módro-běli Kulow
– SC Großröhrsdorf
Hustodosć dominowali ale šansy dosć derje njewužili
SJ Chrósćicy
– SZ Drježdźany-Strěžin 2:4 (1:2)
Zestawa domjacych: M. Cyž – Pöpel (66. Domaška), B. Cyž, Hrdlitschka, F. Zahrodnik, M. Zahrodnik, Henčl, Runt (55. Žur), Młynk (66. Teichmann), Věchet, Němec
Chróšćanscy koparjo nastupichu minjenu njedźelu přećiwo direktnemu konkurentej z Drježdźan. Duel so hnydom turbulentnje započa. Po tym zo bě so Michał Młynk na prawym boku přesadźił, dósta Radim Věchet bul a zymnokrejnje k 1:0 trjechi, a to hižo w 5. min. Spěšne wrota pak hosći njemylachu. Koparjo z Drježdźan-Strěžina hrajachu koncentrowanje dale. W 11. min. woni z tróšku zbožom wurunachu. Wólny kop zleća do murje a bu za wrotarja Mateja Cyž njedźeržomnje wotfalšowany. W 13. min. slědowaše hnydom přichodny šok za domjacych. Bul bu wot praweje strony wótrje před wrota třěleny. Tu steješe Drježdźanski nadběhowar cyle swobodny a suny kulowatu kožu do wrotow. Tak steješe hižo 1:2. Po tym hra tróšku na tempje pozhubi. Hosćo koncentrowachu so bóle na defensiwu. Tak drje Chróšćenjo dominowachu, njemóžachu pak sej žane bytostne móžnosće wuhrać.
