Snadnje, ale zasłužbnje třinaty raz wuspěšni
FC Energija Choćebuz – Viktoria Berlin 1:0 (1:0)
Zestawa domjacych: Spahić – Starcew, Stein, Matuwila, Schlüter, Kruse, Weidlich, Viteritti, Zimmer (78. Gehrmann), Freitas (90.+2 Zickert), Boakye (80. Baude)
Na pjatnatym hrajnym dnju je FC Energija Choćebuz dale pilnje dypki za staflowe dobyće w regionalnej koparskej lize-sewjerowuchod zběrała. Wuslědk drje pokazuje na wurunanu hru, štož pak zamyla. Přez cyły čas hosćićeljo partiju postaja- chu a přećiwnika z wobhladanjahódnymi kombinacijemi wuhrawachu. Najrjeńša scena wjedźeše w 35. min. k jeničkim wrotam hry. Jose Matuwila tworješe zazběh, Fabio Viteritti dósta bul na lěwym křidle a posłuži Maximiliana Zimmera. Jeho precizny pas Gabriel Boakye w centrumje šěsnatki k 1:0 do wrotow smokny.
Wuslědki (21.11.17)
Kopańca – krajna klasa
LSV Nowe Město – SJ Chrósćicy 2:2 (1:2)
Mužakow – Drježdźanski SC 4:0 (2:0)
ST Ćisk – FSV Nowosólc-Hródk 1:2 (1:1)
Laubegast – Borea Drježdźany 2:0 (0:0)
SG Weixdorf – FC Neugersdorf II 3:2 (0:0)
1. FSV Nowosólc-Hródk 12 33 : 18 23
2. LSV Nowe Město 12 37 : 26 23
3. FSV Oderwitz 02 11 28 : 18 22
4. Čerwjeno-běli Mužakow 12 34 : 21 20
5. Laubegast 12 28 : 25 20
6. ST Horni kraj-Sprjewja 11 26 : 18 17
7. SG Weixdorf 12 22 : 22 17
8. FC Neugersdorf II 12 26 : 18 16
9. SJ Chrósćicy 12 18 : 28 15
10. SZ Drježdźany-Strěžin 11 27 : 14 14
11. ST Ćisk 12 16 : 26 14
12. ST Trjebin 11 13 : 32 12
13. SC Borea Drježdźany 11 19 : 41 8
14. Drježdźanski SC 11 22 : 42 7
wokrjesna wyša liga
Kulow – Zeleno-běli Bukecy 4:0 (0:0)
Kumwałd – Großröhrsdorf 1:2 (1:1)
Rakecy – Kinspork/Łužnica 2:1 (1:1)
Germ.Budyšin – Ralbicy/Hórki 3:0 (2:0)
Wojerecy – Hnašecy-Dobruša 3:2 (1:1)
LSV Hory – Drohotka Ramnow 5:3 (3:2)
Radwor – ST Budyšin 4:1 (1:1)
Wjelećin – Großnaundorf 1:2 (0:1)
1. SC Großröhrsdorf 13 27 : 4 33
2. Módro-běli Kulow 13 37 : 12 27
3. Wojerowski FC 13 28 : 19 26
4. SG Großnaundorf 12 29 : 17 22
5. LSV Hory 13 33 : 26 22
6. Rakečanske ST 13 27 : 21 21
7. Motor Kumwałd 13 16 : 21 19
8. Sokoł Ralbicy/Hórki 13 16 : 17 18
Napjaty blidotenisowy kónc tydźenja
Napjaty blidotenisowy duel 1. wokrjesneje ligi wotmě so w Njeswačanskej sportowni mjez ST Njeswačidłom a DJK Konjecami. Delenjo běchu z měšanymi začućemi k tabulkowemu susodej přijěli, dokelž móžachu so w zašłych štyrjoch hrach jenož jónu přećiwo njemu přesadźić. Start bě za nich přiwšěm optimalny. Dwójce Maćij Kokla/Alojs Čóška a André Čórlich/Michał Elstner swojej duelej dobyštej. Duwo Dierk Šewc/Pětr Bejma snadnje přěhra, tak zo mustwo z Delan přez dwójki 2:1 nawjedowaše. K startej do hrow jednotliwcow w hornim křižu Kokla a Šewc swojej partiji přěhraštaj. Tak steješe 3:2 za hosćićela. W srjedźnej křižnej hrě Čóška doby a Čórlich dyrbješe dypk wotedać. W delnim křižu přesadźištaj so Elstner a Bejma. Tuž hosćo znowa z 5:4 po prěnim kole jednotliwcow nawjedowachu. W druhim kole dypkowachu Šewc, Čórlich, Elstner a Bejma za serbske barby. Wjeselo Konječanow nad snadnym dobyćom 9:6 bě wulke.
K třom dypkam njedosahało
ST Wulka Dubrawa – SJ Njebjelčicy 1:1 (0:0)
Zestawa hosći: D. Ričel – Hoelzel, Hanuza, Deleńk, Hrjehor, Kral, Pawlik, Lejnart, Haška, Schulze (85. Čornak), Korjeńk (71. F. Ričel)
Z dobrym bojowniskim nastajenjom podachu so koparjo Njebjelčanskeje SJ na nic runjewon lochku partiju do Wulkeje Dubrawy. Po přesłapjacej poražce tydźeń do toho bě stopnjowanje cyłka trenarja Handrija Krawčika jasnje pytnyć. Hižo w 5. min. je Handrij Korjeńk po spěšnym nadběhu wrota jeno snadnje misnył. Přez cyły čas bě škit Njebjelčanow wěsty w swojich akcijach a dowoli domjacym tak lědma šansy. Jeničce w 31. min. předrě so na lěwej stronje spěšny nadběhowar. Wrotar Daniel Ričel a škitar Christof Pawlik pak k róžkej wotwobaraštaj. Na to zjewi so Korjeńk znowa strašnje před wrotami hosćićela, ale tež tu bu třělwa wotwobarana (35.). Bjezmała by Robert Lejnart krótko do přestawki nawjedowanje docpěł, ale jeho rjany wólny kop prasny do łaty.
Najšpatniša hra sezony
Póst Germania Budyšin – Sokoł Ralbicy/Hórki 3:0 (2:0)
Zestawa hosći: Gloxyn – Zynda, Korjeńk (74. Serbin), J. Bjeńš, Šewc, Čórlich (88. Kobalc), Janca (68. Jakubaš), M. Matka, K. Matka, Kurjat, Domaška
Widźał, słyšał, napisał (20.11.17)
Hišće 81 dnjow hač do Pyeongchanga. Swětowy zymski sport hotuje so 13. raz na swój wjeršk. Kónc tydźenja je so w tójšto disciplinach olympiska sezona zahajiła; a hižo na ličbje wobdźělnikow so wotbłyšćuje, kak wažna wona je. A to za etablěrowane kraje faworitow, kotrež liča z wjele medaljemi, runje tak kaž za eksotow. W sankowanju w Innsbrucku-Iglsu na přikład chcyše so jenož pola žonow wjace hač 40 starterkow za hłowne wubědźowanje swětoweho cupa kwalifikować – w njeolympiskej sezonje je to snadź połojca. Někotre su z krajow, hdźež žana lodowa čara njeeksistuje abo hdźež ani sněha njeznaja. W bobowym sporće móhła so samo w februaru stawizna „Cool Runnigs“ wospjetować. Žónske mustwo z Nigerije je so sobotu ze swojim pjatym dokónčenym běhom na čarje w Calgaryju za Olympiske zymske hry kwalifikowało – na samsnym městnje, hdźež bě před nimale 30 lětami jamaiske mustwo cyły swět zahoriło.
Wuslědki (20.11.17)
Kopańca, wokrjesna liga – stafla II
Wulka Dubrawa – SJ Njebjelčicy 1:1 (0:0)
ST Lubuš – FSV Łuty 2:1 (0:0)
Nowe Město II – Ćisk II 2:2 (2:1)
SJ Chrósćicy II – Nadr. Hrabowka 5:3 (2:1)
Marijina hwězda – Haselbachtal 3:1 (1:1)
Něm. Pazlicy – Łaz/Běły Chołmc 2:0 (2:0)
Wojerecy II – Wulke Ždźary 2:0 (2:0)
Rakecy II – Zeleno-běli Sepicy 1:1 (0:0)
1. Natwar Němske Pazlicy 13 48 : 11 31
2. ST Lubuš 13 35 : 13 31
3. HZ Łaz/Běły Chołmc 13 34 : 17 29
4. SV Haselbachtal 13 42 : 22 25
5. ST Marijina hwězda 13 34 : 16 25
6. Wojerowski FC II 13 25 : 22 20
7. SJ Njebjelčicy 13 20 : 24 20
8. Nowe Město II 13 24 : 30 17
9. Rakečanske ST II 13 20 : 26 17
10. 1896 Wulka Dubrawa 13 25 : 32 17
11. FSV Łuty 13 20 : 29 17
12. ST Ćisk II 13 20 : 26 13
13. HZ Wulke Ždźary 13 12 : 25 11
14. ST Nadrózna Hrabowka 13 25 : 37 10
Sport (17.11.17)
Sobustawska Budissy Budyšin
Lětuša sobustawska zhromadźizna FSV Budissy Budyšin budźe póndźelu, 20. nowembra wot 19 hodź. w Budyskim hotelu AKZENT Residence na Wjelećanskej dróze 32.
Stara garda w hali mocy měri
Štyri koparske cyłki starych knjezow přewjedu 3. decembra wot 10 hodź. w sportowni Wojerowskeho BSZ Konrad Zuse koparski turněr. Zapisane su Módro-běli Kulow, Sokoł Ralbicy/Hórki, Wojerowski FC a Rakečanske ST.
Wulka ćěłozwučowanska show
Sportowe towarstwo Jednota Kamjenc wuhotuje 10. decembra w sportowej hali Lessingoweho gymnazija dohodownu sportowu show, kotruž pokaza wotrjad ćěłozwučowanje. Zarjadowanje započnje so w 14.30 hodź. z kofejpićom, w 15 hodź. potom show pokazaja.
Za turněr Sokoła so přizjewić
Serbski Sokoł, třěšny zwjazk serbskich sportowčow a sportowcow, namołwja zajimowane mustwa so za 36. sokołski volleyballowy turněr wo pokal Domowiny přizjewić, kotryž budźe 10. měrca 2018 w Budyšinje. Wupisanje steji na internetnej stronje Sokoła.
Kónctydźenska kopańca
18.11. 13:30 Jednota Kamjenc
– VFC Plauen
18.11. 13:30 Módro-běli Kulow
– Zeleno-běli Bukecy
Bjez dypka so nawróćili
ST Kinspork
– ST Radwor 4:1 (1:0)
Zestawa hosći: Ch. Šěrak – Zähr, F. Šěrak, Henke, Wjeńka, Bejmak, Bauer (44. Omran), Zimmermann, Winar (64. Mark), Kurjat, Schulze
Minjene tydźenje dyrbjachu koparjo Radworskeho ST stajnje zaso přećiwo načolnym mustwam wojować. Njedźelu podachu so do Kinsporka a nadźijachu so tam třoch dypkow.
Hnydom w prěnich mjeńšinach bě pytnyć, zo je to wažna hra za wobě mustwje, a na woběmaj bokomaj jewjachu so dobre šansy. W 12. min. pak nawjedowachu hosćićeljo po wólnym kopje. Zadnje Radworske mustwo njezamó bul kontrolować a tak přetwori Robert Rüthrich k 1:0 za Kinspork. Hra wosta dale wotewrjena, najlěpše składnosće domjacych pak wrotar Chrystof Šěrak znješkódni. Na tamnym boku wuwostajichu Radworscy nadběhowarjo najlěpše šansy a njezamóchu bul tak we wrotach přećiwnika zaměstnić.
25. jubilejny běh při Brusniku
Njedźelu, 19. nowembra, maja wšitcy entuziasća-běharjo zaso składnosć, na tradicionalnym a mjeztym 25. jubilejnym wubědźowanju při Brusniku w Běłej Wodźe startować. W 10 hodź. móža tam w jednej ze štyrjoch wšelako dołhich distancow 0,8 / 2 / 5 a 10 km swoju spěšnosć a wutrajnosć měrić. Wobdźělnicy wšitkich štyrjoch distancow zhromadnje startuja.
Čary powjedu zwjetša po płonych a runych lěsnych pućikach, najdlěšej pak tež zaso přez dołhi drjewjany móst za pěškow a kolesowarjow, přez Brusnik. Je to pjeć kilometrow dołha kołočara. Zetkanišćo běharjow a start stej kaž přeco při Běłowodźanskim znatym Dźěćacym a wočerstwjenskim centrumje.
Běhi budu lětuše poslednje hódnoćenske wurisanja za rjadne lisćiny Drježdźanska wobwodna serija, Delnjołužiski cup a Pokal wjercha Pücklera. Zarjadowanje organizuje a přewjedźe znowa TSG KW Hamor-Běła Woda. Tež lětsa chcedźa so někotři serbscy lubowarjo běhanja tam zaso sobu wubědźować. Jurij Nuk
