Dwójna nula wolejbulowy turněr dobyła
Po snadnej poražce 21:23 so Serbskopazličan Manuel Šołta chětro mjerzaše. Na nócnym wolejbulowym turněrje minjeny štwórtk bě wón mjenujcy ze swojim cyłkom Volker Racho finalnu hru přećiwo mustwu Dwójna nula přěhrał. Šołta, kiž hraje hewak we wobwodnej lize za Viktoriju Worklecy blidotenis, rjekny: „Smy dobre mustwo měli a tež derje hrali. Přećiwnik pak měješe Jana Bětnarja. Tón bě prědku při saku kaž sćěna.“ W dwěmaj skupinomaj wubědźowaše so dwanaće mustwow z cyłkownje 75 hrajerkami a hrajerjemi wo pokal Serbskeho młodźinskeho towarstwa Pawk. Połsta přihladowarjow jich pohonjowaše, tak zo bě sportowa hala w Pančicach-Kukowje derje pjelnjena. W 19.20 hodź. bě so turněr započał, w 1.15 hodź. bě kónc. Dwójna nula wubědźi sej prěnje městno, mustwo Volker Racho druhe. Na bronzowym městnje steješe cyłk z Chrósćic, a tak mjenowanu drjewjanu medalju dósta Sorabija Lipsk.
Kónčna tabulka
nócneho wolejbulo weho turněra
1. Dwójna nula
2. Volker Racho
3. Chrósćicy
4. Sorabija Lipsk
5. Bjarnat Krawc Drježdźany
6. Granit Hórki
7. Radwor II
8. Konjecy-Šunow
9. Dźiwje micki
10. Radwor I
11. Satkula
12. Nuknica
Prěnja hra druheje połserije prěni dypk połserije wunjesła
FSV Budissa Budyšin – VfB Auerbach 1:1 (0:1)
Zestawa domjacych: Wohlfeld – Barth (71. Hänsch), Klippel, Patka, Heppner, Hoßmang, Barnickel (76. Kloß), Baudis, Müller, Šisler, Němec
Z jenož 11 dypkami z prěnjeje połserije startowachu koparjo Budissy Budyšin přećiwo VfB Auerbachej do druheje połserije 2016/2017. Po 0:1 přećiwo ZFC Meuselwitzej chcychu sej woni nětko tři dypki zawěsćić. Jich trenar Reimund Linkert pak dyrbješe tež tónraz někotrych wažnych hrajerjow narunać. Kapitan Martin Kolan pobrachowaše pjateje žołteje karty dla, Paul Milde, Franz Hausdorf a Maik Salewski běchu zranjeni a Max Hermann chory. Přiwšěm bě mustwo na trawniku sylne dosć. 253 přihladowarjow pak dyrbješe wutrajnych być. Hosćom so lěpje poradźi so prawje do hry namakać. Woni běchu jara spěšni a mytowachu so z nawjedowanjom 0:1 (8.). Budyšenjo namakachu spěšnje wotmołwu. Tola wrotar VfB pokaza při třělwje Josefa Němeca jara dobru paradu (15.). Auerbach hru dale postajowaše. Budyske nadběhi njeběchu strašne.
Wubrance do Pólskeje njepojědźetej
Sport (23.12.16)
Hodownu husycu sej wotběhać
Póndźelu, 26. decembra, poskići towarstwo Natwar Němske Pazlicy ludowy sport „wotběhanje hodowneje husycy“. Wot 10 hodź. podadźa so wobdźělnicy na pjeć kilometrowske koło wokoło Němskopazličanskeho wulkeho hata.
Za zelenym blidom
Konječanscy blidotenisća přewjedu 27. decembra na wjesnej žurli zaso turněr za wólnočasnych blidotenistow. Wot 17 hodź. změja wjacore blida za dźěći spřihotowane. W 19 hodź. přizamknje so turněr dorosćenych.
Turněr wo pokal TCM
Towarstwo Cyrila a Metoda zarjaduje sobotu, 7. januara, w 14 hodź. w Chróšćanskej „Jednoće“ halowy koparski turněr wo pokal TCM. Přeprošene su wosadne a wjesne cyłki młodźiny kaž tež sportowych jednotkow. Kóždy měł z wosom hrajerjemi nastupić. Přizjewić maja so mustwa hač do pjatka, 30. decembra, pola Guida Zahrodnika pod telefonowym čisłom 0151/52 221759.
Lětsa posledni raz do wody
Płuwarki a płuwarjo sportoweho towarstwa SSV Wojerecy přeprošeja wšitkich zajimcow 29. decembra na posledneje płuwanje lěta. Te budźe wot 14 hodź. w Třižonjanskim jězoru. Štóž do wody dźe, smě so potom „iceman“ abo „icewoman“ mjenować.
„Dwójna nula“ so přesadźiła
Z wukonom spokojom byli
FC Energija Choćebuz
– 1. FC Lokomotiwa Lipsk 2:1 (1:0)
Zestawa domjacych: Spahić – Jäschke, Sváb, Stein, Baude, Putze, Viteritti (90.+2 Czyborra), Weidlich (90. Schlüter), Ziegenbein, Mamba (80. Nattermann), Förster
Na kóncu poslednjeje partije lěta běchu wšitcy w lěhwje FC Energije jara spokojom: koparjo, dokelž so jich wukon tež woprawdźe we wuslědku špihelowaše, a domjacy přiwisk z něhdźe 5 000 fanami, dokelž bě so njepřestajna podpěra z trawersow skónčnje wudaniła a tři dypki na konto zapisane. Samo stajnje kritiski trenar Claus-Dieter Wollitz je swoje mustwo hladajo na krutosć wole a bojowniski wukon chwalił.
Cyłk FCE bě prěni połčas absolutnje dominował. Kardinalny zmylk pak njehodźeše so wottřasć. Po jara dobrych nadběhach a po wobhladanjahódnym 1:0 (32.), z kotrymž Benjamin Förster swoje dźewjate wrota sezony třěli, nochcyše 2:0 padnyć. „To je bohužel naša słabosć, kotruž dyrbimy wotstronić, chcemy-li w tabulce Jenu hišće přesćahnyć“, rjekny kapitan Marc Stein po hrě.
Wo pokal a myto so wubědźowali
Swětło a sćin za Budysku FSG
Mixvolleyballisća Budyskeje FSG startowachu 27. mišterstwa na hobbyjowej runinje z třomi dobyćemi a jednej poražku. Aktualnje steja woni mjez wosom cyłkami na druhim městnje.
Spočatk nowembra zahaji so mjeztym 27. sezona w mixvolleyballu w Budyskim wokrjesu. Zwjeselace je, zo zapřimnychu do boja při wysokim saku nowačkaj a po přestawce tež zaso hrajerki a hrajerjo z Biskopic.
Wuslědki (21.12.16)
Wokrjesna wyša koparska liga
LSV Hory – Póst Budyšin0:2 (0:1)
1. ST Ćisk 14 51 : 7 40
2. Rakečanske ST 15 43 : 23 31
3. SC Großröhrsdorf 15 20 : 12 25
4. Póst German. Budyšin 15 26 : 24 25
5. Sokoł Ralbicy/Hórki 15 37 : 23 24
6. Módro-běli Kulow 15 32 : 28 22
7. ST Kinspork/Łužnica 15 28 : 23 21
8. ST Hnašecy-Dobruša 14 27 : 28 20
9. Motor Kumwałd 15 24 : 32 20
10. LSV Hory 15 37 : 27 18
11. Wojerowski FC 15 27 : 34 16
12. Drohotka Ramnow 15 25 : 34 16
13. FV Ottendorf-Okrilla 15 24 : 40 16
14. Zeleno-běli Bukecy 15 24 : 47 14
15. TSV Połčnica 15 22 : 36 11
16. ST Wjelećin 15 25 : 54 9
Volleyballisća Budyskeho Serbskeho gymnazija hotuja so na ...
Volleyballisća Serbskeho gymnazija Budyšin (SGB) steja w cyłkownym wokrjesnym hódnoćenju šulow z pjeć prěnimi, dwěmaj druhimaj a jednym třećim městnom znowa na čole.
Stajnje wulkej hołk a tołk knježeštej w minjenymaj měsacomaj pjatk popołdnju na volleyballnišćach sportoweje hale Serbskeho šulskeho a zetkawanskeho centruma Budyšin. Šulerjo wjacorych lětnikow přihotowachu so na wokrjesne kónčne koła w bulosportowej družinje, kotrež wotměwaja so pod hesłom „Młodźina trenuje za olympiju“. Wukónc wurisanjow bě z wida SGB znowa zwjeselacy, wšako docpě samsny wurjadny wuslědk kaž minjene šulske lěto.
Ze štyrjomi hólčimi a ze samsnej ličbu holčich zastupnistwow startowaše Budyski Serbski gymnazij w štyrjoch starobnych klasach a wobsadźi pjeć prěnich, dwě druhej a jedne třeće městno.
