Po puću w Serbskim domje

srjeda, 08. julija 2015
artikl hódnoćić
(0 )
Mjez holcami Ralbičanskeje wyšeje šule, kotrež běchu wčera w Budyskim Serbskim domje, běštej Bernadet Domaškec a Marija Domaškec (wotlěwa), kotrymajž je wučomnik Fabian Pöpel dźěło zarjadniskeho fachowca rozłožił.  Foto: Jurij Helgest Mjez holcami Ralbičanskeje wyšeje šule, kotrež běchu wčera w Budyskim Serbskim domje, běštej Bernadet Domaškec a Marija Domaškec (wotlěwa), kotrymajž je wučomnik Fabian Pöpel dźěło zarjadniskeho fachowca rozłožił. Foto: Jurij Helgest

Holcy Ralbičanskeje wyšeje šule wosebity projektowy dźeń přewjedli

Budyšin (BW/SN). Z powołanskimi móžnosćemi w serbskich institucijach w Budyskim Serbskim domje zeznajomichu so wčera holcy Serbskeje wyšeje šule Ralbicy. K tomu mějachu cyłe dopołdnjo chwile. Jednaćel Domowiny Bjarnat Cyž a zamołwita za serbske naležnosće Budyskeho wokrjesa Regina Krawcowa móže­štaj­ dohromady dźewjeć holcow witać.

Po krótkim wodźenju po Serbskim domje rozdźělichu so holcy do mjeńšich skupinkow. W Domowinskim zarjedźe nadźěłachu wone mjez druhim nowinsku zdźělenku, wobdźěłachu swójske fota a zestajichu plakat z krótkim tekstom wo tymle holčim dnju.

W Rěčnym centrumje WITAJ spřistupnichu sej powołanje lektorki a widźachu, kak serbske wučbnicy nastawaja. Nimo toho naćisnychu plakat za sportowu wučbu, zeznachu dźěło na wosebitej app wo powołanjach, spisachu krótki tekst za Płomjo a přełožichu za rěč spěchowace dźěło w pěstowarni zabawnu hru z němčiny do serbšćiny.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND