Kóžde šulske lěto podawaja so šulerjo 5. lětnika Budyskeho Serbskeho gymnazija do Njeswačidła. Zaměr šule w zelenym je, zo so nowi gymnaziasća mjez sobu zeznaja.
Rjadowniskaj wučerjej 5. lětnika na Serbskim gymnaziju Budyšin Franc Friedrich a Roman Grzyb běštaj za njedawny přebytk nowačkow w Njeswačidle bohaty program přihotowałoj. Jimaj poboku běchu kubłarjo a studenća Jurij Haška, Roman Kral, Michał Rječka, Lydija Rachelic a Juliana Rječkec.
