Volleyballistki SGB znowa w sakskim finalu

wutora, 23. januara 2018
artikl hódnoćić
(0 )
Dobra nalada knježeše mjez holcami 10. a 11. lětnika Budyskeho Serbskeho gymnazija po dobyću złoteje medalje tele dny na regionalnym volleyballowym finalu w Rychbachu. Wone wobdźěla so nětko pjaty raz za sobu na sakskim finalu w Dippoldiswaldźe. Hólcy samsneje starobneje skupiny II skónčichu turněr na nje dźakownym 4. městnje. Stejo wotlěwa: Wibke Zickmüller, Marta Hantušec, Liza Hrjehorjec,  Lea Krječmarjec, Felix Jurk, Steve Schröder, Richard Paška, Jan Kola, Fridtjof Schade, prědku wotlěwa Luiza Šubertec, Tadeja Šeferec, Helena Hejduškec, Dawid Šołta, Feliks Langer a Dawid Wowčer (ležo)  Foto: Tereza Wićazowa Dobra nalada knježeše mjez holcami 10. a 11. lětnika Budyskeho Serbskeho gymnazija po dobyću złoteje medalje tele dny na regionalnym volleyballowym finalu w Rychbachu. Wone wobdźěla so nětko pjaty raz za sobu na sakskim finalu w Dippoldiswaldźe. Hólcy samsneje starobneje skupiny II skónčichu turněr na nje dźakownym 4. městnje. Stejo wotlěwa: Wibke Zickmüller, Marta Hantušec, Liza Hrjehorjec, Lea Krječmarjec, Felix Jurk, Steve Schröder, Richard Paška, Jan Kola, Fridtjof Schade, prědku wotlěwa Luiza Šubertec, Tadeja Šeferec, Helena Hejduškec, Dawid Šołta, Feliks Langer a Dawid Wowčer (ležo) Foto: Tereza Wićazowa

W Rychbachu pola Lubija wotmě so regionalne volleyballowe finale starobneje skupiny II pod hesłom „Młodźina trenuje za olympiju“.

Mjez wobdźělnikami štyrjoch najlěpšich šulow wuchodneje Sakskeje dobychu holcy 10. a 11. lětnika Serbskeho gymnazija Budyšin (SGB) wšitke partije z 2:0 a pojědu spočatk měrca na krajne finale do Dippoldiswaldy. Hólcy skónčichu turněr na 4. městnje.

Najwuspěšniše holče volleyballowe mu­stwo SGB je so tuž pjaty raz za sobu za sakske finale skwalifikowało. Dotal wubědźichu sej hrajerki wokoło kapitanki Luizy Šubertec jónu slěbro, dwójce bronzu a jedne 6. městno. Nětko chcedźa talentowane šulerki 10. a 11. lětnika znowa­ wo medalju wojować. W mustwje tči njesměrnje­ wulki potencial, štož so w Rychbachu přeswědčiwje wotbłyšćowaše.

Serbski gymnazij Budyšin – Christiana Weisowy gymnazij Žitawa 2:0

wozjewjene w: Sport
Prošu přizjewće so, chceće-li komentar podać

Serbska debata

nowostki LND