Zhromadny projekt wědomostneju institucijow zakónčeny
Budyšin (SN/MiR). Wotnětka ma kóždy zajimc přistup na nowy internetny popularnowědomostny infoportal SORABICON. Minjeny pjatk je nawoda Serbskeho instituta dr. Hauke Bartels z tłóčenjom wirtualneho knefla online-wužiwanje pod adresu www.sorabicon.de zmóžnił. Portal předstaja nowu, wobstajnje rosćacu platformu publikacijow Serbskeho instituta. Na njej je wědomostnje fundowana wěda wo rěči, kulturje a stawiznach Serbow šěrokej zjawnosći přistupna. Europski socialny fonds je třilětny projekt wědy wo Serbach zmóžnił a spěchował. Do njeho zapřijata bě dorostowa slědźerska skupina Drježdźanskeje Techniskeje uniwersity a Budyskeho Serbskeho instituta. Na zakónčacej konferency pjatk w Budyskim Serbskim domje rjekny dr. Hauke Bartels: „Nowy portal słuži mjez druhim wotkrywanju a sposrědkowanju wědomostnych dopóznaćow. Projekt bě wusahowacy za zhromadne dźěło wobeju wědomostneju institucijow.“ Prof. dr. Christian Prunitsch, nawoda Instituta za slawistiku na TU zwurazni: „Wuslědk je wurjadny.