Europeada w Schleswigsko-Holsteinskej z dobyćom a poražku zahajena
Flensburg (SN/MkWj). Ze sportowym wuspěchom 9:1 přećiwo mustwu Romow z Rumun- skeje je serbske muske koparske mustwo wčera do Europeady 2024 w Schleswigsko-Holsteinskej startowało. Porno tomu dyrbješe so wubranka serbskich žonow najebać dobru hru ze 1:6 juhoschleswigskemu mustwu, wubrance Dankow w Němskej, sportowje podwolić. Něhdźe 300 serbskich fanow koparskej hrě w Tönningu a Flensburgu přewodźeše a postara so na kromje hrajnišća z bubonami, spěwami a tójšto serbskimi chorhojemi wo dobru naladu.
