Olympiada je serbšćinarjam lěto wob lěto powabniša

Wodowe Hendrichecy (SN/MiR). „Lětuša 49. olympiada serbskeje rěče słuša do tych, kotrež so mi w běhu zańdźenych 25 lět wosebje do pomjatka zaryja. Wšako bě wosebje rjana. A na tym sće wy wšitcy wobdźěleni byli.“ Kompliment to předsydki Serbskeho šulskeho towarstwa Ludmile Budarjoweje za poradźene zarjadowanje. Predikat „z wuznamjenjenjom“ a tak najlěpši wukon jednotliwca docpě šulerka Choćebuskeho Delnjoserbskeho gymnazija Karolina Oskwarekojc ze Žylowa. Z predikatom „jara derje“ wotrěznyłoj stej šulerce Budyskeho Serbskeho gymnazija Helena Kušec z Chrósćic a Milenka Kumerec z Budyšina. Dary najlěpšim wobdźělnikam běchu knižne šeki, kotrež je šulskemu towarstwu Ludowe nakładnistwo Do­mowina přewostajiło. Predikat „z wuspěchom“ docpě 29 šulerjow a „derje“ 25. Wšitkich 57 wobdźělnikow ze 6. lětnika wyšich šulow Worklecy, Ralbicy, Radwor, Budyšin, Kulow a Slepo, Serbskeho gymnazija Budyšin, Lessingoweho gymnazija Wojerecy a Delnjoserbskeho gymnazija Choćebuz je wopismo za swoje wukony přijało. Klětu wotměje so 50.