Wuchowajće bajki!

srjeda, 18. decembera 2019 spisane wot:

Tradicije a modernu zwjazowacy projekt znowa wozrodźeny

Čorny Chołmc (SiR/SN). Wjelk da sej direktnje pod pyšenym hodownym štomom na stólcu lubić. Jeho wotpočink pak je jenož krótki. Wšako přińdźechu tróšku pozdźišo za njeho po zdaću słódne pječenki do bróžnje Čornochołmčanskeho Krabatoweho młyna.

„To dosaha, zo móžu so najprjedy prawje nažrać“, so rubježnik šćěri, jako wuhlada njeličomne dźěći, kotrež do bróžnje přichadźeja, a majka sej při tym swoje­ tołste kutleško. A w nim so něšto hiba! Štó abo što so pod wjelčim kostimom chowa, pak wosta předwčerawšim a tohorunja wčera potajnstwo. Wšako je zaso čas bajkow w Krabatowym młynje.

Třinaće hólcow a holcow z Wojerowskeje Lipoweje šule bě póndźelu z hosćom w Čornym Chołmcu. A woni mějachu nadawk bajki wuchować. Ideju zrodźiła bě bywša sobudźěłaćerka Krabatoweho młyna Kerstin Zukunft. Projekt su tam předwčerawšim pod nawodom Magdaleny Schaffer wozrodźili a žněja z nim znowa připóznaće mjez staršimi, dźěćimi a wučerjemi.

Wulke připóznaće za koncert žnjeli

póndźela, 16. decembera 2019 spisane wot:

Worklecy (aha/SN). „Wulkotny – poradźeny – skutkowny“ a hišće dalše słowa chwalby sy minjeny pjatk po adwentnym koncerće Worklečanskeje zakładneje šule „Michał Hórnik“ słyšał. Hižo wjacore lěta dźě wuhotuja tamniši šulerjo nimo programa k mejemjetanju kóždolětnje we wotměnje program na swjedźenju ptačeho kwasa abo lětsa po dwěmaj lětomaj zaso w adwenće.

Direktorka kubłanišća Sabina Hejdušcyna witaše přichwatanych staršich, dźědow a wowki a wšěch zajimcow w połnje wobsadźenej a hodownje pyšenej sportowni a zwurazni rjane słowa za adwentny čas, za čas połny potajnstwow a překwapjenkow. Za přitomnych slědowaše na to jedna z bytostnych překwapjenkow, hdyž předstajichu šulerjo swój hodźinski, z njesměrnej prócu a pilnosću nazwučowany program, do kotrehož zapřijachu wjacore nowosće.

Njech je chwalba pohon

pjatk, 13. decembera 2019 spisane wot:
Młodostnych za pismowstwo wabić a młodych­ awtorow zdobyć budźe přichodnje zawěsće dale a ćešo. Na to maja so nakładnistwa nastajić a wosebite strategije wuwić. Jednu tajku wuspěšnu marketingowu akciju je Ludowe nakładnistwo Domowina z Ralbičanskej wyšej šulu přewjedło. W zhromadnym projekće z LND su šulerjo 7. lětnika knihu ze swójskimi tekstami a wobrazami wuhotowali. Fachowcy nakładnistwa, wučerjo serbšćiny a wuměłskeho kubłanja su jich při tym rady podpěrali. Mjez druhim pobychu wšitcy w domje nakładnistwa, hdźež knihi a nowiny nastawaja. Wjeršk projekta móžachmy wčera w Konjecach dožiwić, hdźež su młodźi awtorojo swoju prěničku před­stajili. W połnej wobsadźenej bróžni čitachu šulerjo swoje fabule, za čož žnějachu wulku chwalbu. Njech je to pohon młodostnym so dale z literaturu rozestajeć. Potom je tež tónle projekt swój wotmysł spjelnił. Bianka Šeferowa

Zhromadnosć mjez šulerjemi so změniła

štwórtk, 12. decembera 2019 spisane wot:

Spočatk septembra wuwabi Worklečanska Serbska wyša šula „Michał Hórnik“ w Serbach hobersku žołmu zahoritosće. Pjeć předstajenjow jewišćoweje produkcije „Quo vadis – dokal dźeš?“ w Chróšćanskej „Jednoće“ je wupředatych było. Iniciatorojo projekta běchu Worklečanscy wučerjo Diana Šołćina, Beno Hojer a Syman Bjarš. Milenka Rječcyna je so z nimi rozmołwjała.

Zjawnosć měješe zaćišć, zo sćěhujeće z projektom zdobom cyle jasny marketing. Je tomu tak?

D. Šołćina: Wjace hač sto wobdźělnikow na, za a před jewišćom je na projekće sobu skutkowało. Tajka zhromadnosć wězo wabi.

B. Hojer: Zakładnu mysl wo musicalu mějachmy před něhdźe dwěmaj lětomaj. Wot toho časa smy zaměrnje na nim dźěłali. Wězo nastachu w běhu časa nowe konteksty, kotrež su tež marketingej polěkowali. Rozsudne pak je, hač a kotry maš wuspěch.

Za serbskimi slědami pytali a film nahrawali

srjeda, 11. decembera 2019 spisane wot:

Z projektom „Spurensuche“ pytaja skupiny młodostnych po cyłej Sakskej za historiskimi slědami na wšelake temy. Kulturna fabrika Wojerecy je ze swojej skupinu mjeztym třeći króć wobdźělena. Lětsa su so wobdźělnicy ze zhubjenjom serbskeje rěče w swójbach a jeje zakazom přez nacionalsocialistow zaběrali. Silke Richter je so z nawodnicu projekta Inu Züchner rozmołwjała.

Što so za projektom chowa?

I. Züchner: Něhdyša wobdźělnica skupiny pochadźa ze serbskeje swójby, móže pak lědma serbsce rěčeć. Prašachmy so, na čim to zaleži, a započachmy slědźić. Projektne srědki je nam Sakska załožba za dźěći a młodźinu přewostajiła, je nam na dźěłarničkach teoretisku a praktisku wědu kaž tež naprašowanje časowych swědkow posrědkowała.

Běše ćežko dźěći a młodostnych za projekt zahorić?

Nowa móžnosć medicinu studować

srjeda, 11. decembera 2019 spisane wot:

Po dlěje hač lěće přihotow chce Drježdźanska Techniska uniwersita w Kamjenicy nowy studijny směr mediciny wutworić. Z nim chcedźa lěkarske zasta­ranje w Sakskej polěpšić.

Budyšin/Wojerecy (SN/MiR). Wot zymskeho semestra 2020/2021 chcedźa w Kamjeničanskim klinikumje połsta studentow mediciny wukubłać. Financowanje je mjeztym jasne. Sakska a Zwjazk nałožitej potom kóždolětnje 6,5 milionow eurow. Třo profesorojo a dalši trěbni sobudźěłaćerjo budu přistajeni. Roz­šěrjeny poskitk ma zajimcow z regiona za studij mediciny wabić a tak lěkarski dorost wose­bje w małych městach a na wsach perspektiwisce zawěsćić.

Tež wo nazhonjenjach so rozmołwjeli

srjeda, 11. decembera 2019 spisane wot:
Premjeru knihi „Dźiwadło njewidźomnych dźěći“ z LND su dźens dopołdnja šulerki a šulerjo 6. lětnika Serbskeho gymnazija Budyšin dožiwili. Přełožer Jan Měškank njeje młodemu publikumej jeno zhromadnje z lektorku Weroniku Žurowej po­wě­dančko pólskeho spisowaćela Marcina Szczygielskeho předstajił, ale je so nimo čitanja tež z dźěćimi wo jich nazhonjenjach z bratrom a sotru kaž tohorunja z přećelstwom rozmołwjał. Młodym připosłucharjam je so putaca stawizna dźesać­lět­neho Michała, kiž je swojeju staršeju zhubił, jara spodobała. Foto: SN/Hanka Šěnec

Rěčnica gymnaziastam čitała

wutora, 10. decembera 2019 spisane wot:
Wučerka Wojerowskeho Lessingoweho gymnazija wučerka Lubina Kühnowa twori ze swojimi šulerjemi-serbšćinarjemi stajnje znowa składnosće, zo bychu zhromadnje dožiwjeli serbšćinu w njewšědnych rěčnych rumach. Lětsa su sej šulerjo přeprosyli regionalnu rěčnicu Domowiny za teritorij Wojerowskeje župy „Handrij Zejler“ Sonju Hrjehorjowu (na wobrazu). Wona čitaše šulerjam 5. a 6. lětnika, kotřiž serbšćinu wuknu powědančko wo honačiku a kokošce. W rozmołwje na to stej Sonja Hrjehorjowa zwěsćiłoj, hač su šulerjo wšitko rozumili. Po tym hrajachu powědančko w rólach, štož je wšitkim wulke wjeselo wobradźiło. Foto: Gernot Menzel

Młode talenty spěwali a hudźili

póndźela, 09. decembera 2019 spisane wot:
Budyska hudźbna šula zarjaduje kóžde lěto wosebity adwentny nyšpor. Wčera přewje­dźe tajki w Radworskej wosadnej cyrkwi, hdźež je so tež chór zakładneje šule „Dr. Marja Grólmusec“ předstajił. Tak zaklinča mjez druhim znaty spěw Měrćina Weclicha „Hlej, hody bliža so“. Tež skupina RadworBrass, wobstejaca z dujerskeho dorosta z a wokoło Radworja, wčera zahudźi a publikum zawjeseli. Nimo toho po­kazachu młode talenty Budyskeje hudźbneje šule swoje zamóžnosće na klawěrje, gita­rje, huslach a pozawnje. Solistka – spěwarka Liuba Thielscher – je přitomnych toho­runja překwapiła. Foto: Feliks Haza

Kmanosće serbšćiny dopokazali

pjatk, 06. decembera 2019 spisane wot:
Šulerjo 3. lětnika zakładneje šule „Handrij Zejler“ we Wojerecach su předwčerawšim ze serbšćinu wuknjacymi šulerkami a šulerjemi Wojerowskeho Lessingoweho gym­nazija,­ tamnišeho křesćanskeho gymnazija Johanneum kaž tež ze šulow z Wóslinka a Kulowa adwentničku swjećili. Pod nawodom wučerki Reginy Kumeroweje před­stajichu dźěći serbskorěčny kulturny program. Wjednica kubłanišća Petra Schenk wobdźiwaše rěčne kmanosće swojich chowancow. Jako hosći běchu sej na program­ tohorunja społnomócnjenu za serbske naležnosće města Wojerec Gabrielu­ Linakowu, bywšu županku Brigitu Šraminu a referenta Domowiny Wernera­ Sroku přeprosyli. Po programje dopokazachu swoje znajomosće serbšćiny w staflowych hrach. Foto: Werner Sroka

Serbska debata

nowostki LND