Na wuprawje w Liberecu byli

wutora, 13. oktobera 2015 spisane wot:

Smjerdźaca (aha/SN). Zańdźeny měsac na swjedźenskim zarjadowanju składnostnje 15lětneho wobstaća Smjerdźečanskeho swójbneho a kubłanskeho srjedźišća LIPA připowědźichu přitomnym čłonam a hosćom kubłansku jězbu z wjacorymi překwapjenkami. Zo njeběchu přewjele slubili, wo tym móžeše so 40 wobdźělnikow minjenu sobotu na cyło­dnjowskej wuprawje do Jizerskich horow přeswědčić.

Ze sympatiskej a rěčnje wobrotniwej Čechowku Krystinu Pompovej podachu so wuprawnicy najprjedy do lěta 1352 prěni raz naspomnjeneho Libereca. Z wu­běrom markantnych stacijow města z něšto wjac hač 100 000 wobydlerjemi putaše přewodnica tež tych, kotřiž so tak jara za stawizny njezajimuja. Najznaćiši symbol sewjeročěskeho města je 1 012 metrow wysoki Ještěd­ ze swojim 1966 do 1973 natwa­rjenym ­hórskim hotelom a telewizijnej wěžu. Za wurjadny twar bu architekt Karel­ ­Hubáček wysoko počesćeny. Tuchwilu so město Liberec prócuje, twar přez UNESCO jako architekturnu wose­bitosć zapisać dać.

Na swjedźeń składnostnje 15 lět nošerstwa Serbskeho šulskeho towarstwa bě minjeny pjatk Malešanska pěstowarnja „K wódnemu mužej“ přeprosyła.

Malešecy (SN/CoR). „Ze mnu a z wosom dalšimi dźěćimi je so tule wšitko započało“, dopomni absolwentka Budyskeho Serbskeho gymnazija Anna-Lisa Ederec, hosći w połnym swjedźenskim stanje na započatk projekta Witaj w Malešecach. „A nětko nas hižo njerozumiće“, hólčec mysličku skulojći, wuwabjejo tak wutrobne smjeće přitomnych. Swoje kmanosće w serbšćinje pokaza po tymle zawodźe 46 dźěći Malešanskeje pěstowarnje ze spěwnym programom.

Nowa wjednica w Ralbicach

pjatk, 09. oktobera 2015 spisane wot:
Milenka Koberowa je nowa wjednica Ralbičanskeje wyšeje šule. Kaž Serbske Nowiny zhonichu, je ju Sakska kubłanska agentura Budyšin srjedu do zastojnstwa powołała. Wona bě so přećiwo třom dalšim požadarjam přesadźiła. 37lětna přewozmje hnydom funkciju wot dotalneho komisariskeho nawody Křesćana Korjeńka, kotryž ju dźensa dopołdnja wučerskemu kolegijej w Ralbicach předstaji. Rodźena Róžeńčanka a mjeztym w Sernjanach bydlaca je w Lipsku wučerstwo studowała. Foto: Feliks Haza

Za prózdninske poskitki so přizjewić

štwórtk, 01. oktobera 2015 spisane wot:

Prjedy hač móža so šulerjo do nazymskich prózdnin podać, drje je hišće dobry tydźeń chwile. Zo pak móhli so za tón­ abo tamny poskitk přizjewić, po­damy tu mały přehlad zarjadowanjow, kotryž nima narok dospołnosće.

Smochćicy (SN/MWj). Wjele časa zhromadnje přežiwić móhli dźědojo a wowki ze swojimi wnučkami we wobłuku wosebiteho tydźenja, kotryž planuje Smochčanski Dom biskopa Bena w druhim tydźenju prózdnin wot 19. do 23. oktobra. Na programje steja tematiske koła runje tak kaž wulěty a překwapjenki. Wobsahowje steja při tym tři nabožiny židowstwo, křesćanstwo a islam w srjedźišću. Někotre městna su hišće swobodne. Zajimcy njech přizjewja so pod telefonowym čisłom 035935/ 22 316. Dalši tajki tydźeń za dźědow, wowki a wnučkow wotměje so w zymskich prózdninach wot 15. do 19. februara 2016.

Jědnaty raz je Rěčny centrum WITAJ dźensa šulerjow 4. lětnika, kotřiž serbšćinu jako cuzu rěč wuknu, na swjedźeń serbskeje rěče do Radworja přeprosył. Něhdźe sto dźěći tamnišeje zakładneje šule kaž tež z Hodźija, Njeswačidła, Barta, Wojerec a Slepoho so wobdźěli. Mjez druhim je jim Wolfgang Kotisek hraće na dudach rozłožił. Nimo toho pře­wjedźechu rallye po wsy, a redaktor Płomjenja­ jim pokaza, kak dźěćacy časopis nastawa. Foto: SN/Maćij Bulank

„Serbski“ praktikum? Haj, wězo!

pjatk, 25. septembera 2015 spisane wot:

Hdyž so poslednje dny lěća minu, je šuler­jam a studentam jasne, zo bliži so zaso čas wuknjenja. Mjeztym zo sedźa šulerjo hižo pilnje na šulskej ławce, ma wjetšina studentow hišće prózdniny. Tuž tón abo tamny čas hišće raz za praktikum wužiwa. Serbske institucije skića k tomu dobre móžnosće.

Budyšin (SN/apa). Franciska Grajcarekec je praktikantka Domowiny a Daniela Šenkec Budyskeho Serbskeho muzeja. „Za mnje je to dobra składnosć dožiwić, kak serbske zarjadnišća funguja“, 21lětna Franciska powěda, „móžeš tu na kulturnym, slědźenskim abo tež mjeńšinowym polu dźěłać, je to jara pisana dźěławosć.“ K nadawkam studentki sorabistiki w běhu štyrjoch tydźenjow słuša, Serbski rěčny korpus nastajić a ideje za móžny koncept projekta „300 lět Sorabija“ zběrać.

Domjace ptački a swójbne mjena

srjeda, 23. septembera 2015 spisane wot:

Njedawno rěkaše w protyce Marije naroda, a to je čas, hdyž „božemje praji łastojčka“. Nastork za nas, so zaso raz dopomnić na domjace ptački a na jich slědy w našich mjenach. Łastojčka so najskerje w serbskich mjenach njejewi, ale za to dosć z druhich našich pjerjatych přećelow. To mamy na přikład (čorneho) kosa, němsce Amsel, kotryž wustupuje w hornjoserbskim swójbnym mjenje Kósk a w delnjoserbskim Kósyk. Wobě stej po swojim nastaću pomjeńšacej formje mjena ptačka ze sufiksomaj -k a -yk. Swójbne mjeno Kósyk zwjazujemy w prěnim rjedźe z najwuznamnišim delnjoserbskim basnikom Matom Kosykom. Pomjenowanje wšěm derje znateje kokule namakamy w rozšěrjenym swójbnym mjenje Kokla; nošerjo tohole mjena so w zněmčenej podobje zwjetša pisaja Kockel. Tójšto ludźi rěka Wrobl, štož je jasnje spóznajomne jako přenjesene pomjenowanje małeho ptačeho pjeracha wrobl. Sykora, w zněmčenej formje Sickor­ a podobnje, je tohorunja časte swójbne mjeno w našich stronach, kotrež so wězo wróćo wjedźe na mjeno ptačka: dźensa normalnje sykorka, němsce Meise

Z interaktiwnej serbskej kartu dźěłać

štwórtk, 17. septembera 2015 spisane wot:

W nadawku redakcije Płomjenja nastaštej lěta 1998 karće za Delnju a Hornju Łužicu, kotrejž běštej na serbskich šulerjow delnjeho schodźenka wusměrjenej. Nětko předleži nowa, cyłkowna­ karta wobeju Łužicow.

W tehdyšim projekće běchu wažne wobchadne a pućowanske čary kaž tež dwurěčne mjena městow a wsow zarysowane. Na to złožuje so nowa karta, kotraž zwjazuje analogny swět ćišćaneje karty z digitalnymi wužadanjemi interaktiwneje dataje. W njej su nimale 700 dwurěčnych městnow kaž tež najwažniše dróhi a železniske čary zakótwjene. Po­date su tohorunja wjetše lětanišća, łužiska jězorina a wuhlowe jamy. Nowa karta wotbłyšćuje wobjim aktualnje připóznateho sydlenskeho ruma Serbow w Braniborskej a Sakskej wotpowědnje hranicam gmejnow a pokazuje městnosće ze serbskimi poskitkami. Zajimc móže so tež wo najšěršich poskitkach ze serbskej tematiku wobhonić.

Institut za sorabistiku Lipšćanskeje uniwersity ma serbšćinu za zakładny stołp při posrědkowanju wědy wo mjeńšinach­

Rektorat Lipšćanskeje uniwersity je po jednolětnym wupruwowanju schwalił studijny směr mjeńšinowe rěče na Instituće za sorabistiku Lipšćanskeje uniwersity. Jednaćelski direktor instituta prof. dr. Edward Wornar je na prašenja Milenki Rječcyneje wotmołwił.

Hladajo na schwalenje studijneho směra mjeńšinowe rěče je jeho dalewjedźenje na wěsty čas wobmjezowane? Abo wot­wisuje wone wot wosebiteho noweho rjadowanja?

prof. E. Wornar: Tuchwilu njewobsteja žane časowe wobmjezowanja.

Rěka to, zo přistajeni sobudźěłaćerjo, kotřiž serbskich młodostnych na polu wučerstwa wukubłuja, so přichodnje sylnišo tež do wobłuka mjeńšinowych rěčow zapřijmu?

Wot młodych lět na huslach hraje

srjeda, 16. septembera 2015 spisane wot:

Hudźo na „serenadźe w zelenym“ minjeny pjatk w Stróži je sej huslerka Jose­phine Kretschmarec wutroby připosłucharjow zdo­była. 16lětna bydli w Jenkecach a chodźi do 12. lětnika Budyskeho Serbskeho gymnazija. „Běch so za njón rozsudźiła, dokelž je moja wowka Serbowka. Bohužel njeje wona maćeršćinu w swójbje dale dała. Tak wobdźělach so hižo na zakładnej šuli w Bošecach na wučbje serbšćiny“, wona powěda.

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND