Z wjacorymi nowosćemi su organizatorojo mjeztym k 41. razej pospochi přewjedźenych wjesnych swjedźenjow w Němcach zašły kónc tydźenja sta hosći překwapili.
Němcy (aha/SN). Zhromadnje z młodźin- skim klubom a jeho agilnym předsydu Robertom Grofu a wohnjowej woboru z nawodu Bertom Zillichom staj Handrij Korch a Bernd Grofa na čole wjesneho kluba znowa zaručili wotměnjawy třidnjowski program. Na wulkimaj transparentomaj wopytowarjow dwurěčnje, a to najprjedy serbsce, do wsy witachu. Po tym zo bě sobotu popołdnju 36 a poł metra wysoka meja padnyła docpě Norbert Grofa jako prěni wjeršk ze serbskej chorhoju, kotryž sej Vivien Jahnec za mejsku kralownu wuzwoli. Wjele připóznaća nańdźe sydom porow młodostnych wosebje tohodla, dokelž běchu holcy prěni raz na swójske přeće w katolskej serbskej narodnej drasće.