Město je wobydlerjam posłužbnik

pjatk, 05. junija 2015
artikl hódnoćić
(0 )
Dr. Andreas Hase, njewotwisny kandidat za zastojnstwo Budyskeho wyšeho měšćanosty Foto: SN/ M. Bulank  Dr. Andreas Hase, njewotwisny kandidat za zastojnstwo Budyskeho wyšeho měšćanosty Foto: SN/ M. Bulank

Wón njeje muž njepřemyslenych wěcow. Tak bě hakle jutry rozsudźił, jako kandidat za wólby Budyskeho wyšeho měšćanosty nastupić. Rěč je wo dr. Andreasu Hasy, 60lětnym manageru francoskeho koncerna. Rodźeny Budyšan je ze swojim domizniskim městom wusko zwjazany. „Kandidaturu mam za poslednju składnosć, zo bych z wotumom wolerjow zamołwitosć za město přewzał“, wón wčera wječor přizna, předstajejo swój wólbny program w Dźiwadle na hrodźe.

Wid kandidata je strózby. Hdyž so hospo­darstwu w měsće derje dźe, so to pozitiwnje na nje wuskutkuje. Nawopak tež komuna ćerpi. Tohodla je Andreasej Hasy wažne, mjezsobne zwiski bóle do srjedźišća komunalneho jednanja stajić. „Hospodarske spěchowanje słuša tuž do wobłuka wyšeho měšćanosty.“

Pod hesłom „Za žiwjenjahódny Budyšin“ dźe kandidatej wo to, w měšćanskim zarjadnistwje mysl zakótwić, zo su při­stajeni wobydlerjam posłužbnicy. K tomu słuša wotewrjenske časy zarjadnistwa tak přeorganizować, zo móža ći, kotřiž cyły tydźeń zwonka dźěłaja, swoje naležnosće kónc tydźenja wobstarać.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND