Pomocnicy předołho po puću

srjeda, 15. julija 2015
artikl hódnoćić
(0 )
Budarjec mandźelskaj Daniel a Yvette ze swojim synkom Tristanom. Minjeny tydźeń  trjebaše dwulětny spěšnu lěkarsku pomoc. Wokołopućow dla pak běchu wuchowarjo  dlěje po puću hač předpisane.  Foto: Christian Essler Budarjec mandźelskaj Daniel a Yvette ze swojim synkom Tristanom. Minjeny tydźeń trjebaše dwulětny spěšnu lěkarsku pomoc. Wokołopućow dla pak běchu wuchowarjo dlěje po puću hač předpisane. Foto: Christian Essler

Nadróžne twarnišća wuchowansku słužbu tuchwilu chětro poćežuja. Dokelž­ dyrbja zdźěla wokołopuće na so wzać, pomocnicy druhdy spěšnje dosć pomhać njemóža. W Klukšu by to njedawno­ nimale zlě wušło.

Zdźěr (CE/SN). Minjeny štwórtk drje Budarjec swójba ze Zdźěrje tak spěšnje njezabudźe. Kubłarka Klukšanskeje pěstowarnje bě Daniela Budarja telefonisce informowała, zo ma mały Tristan zymicu a zo so spodźiwnje měrnje zadźerži. Nablaku­ dojědźe sej 35lětny do susodneje wsy, dokelž wědźeše, zo chila jeho synk k zymicowym spinanjam. Kaž bě k pěstowarni dojěł, jemu kubłarka hižo napřećo spěchaše:­ „Dźěćo ma sylne spinanje!“ W tym wokomiku wohnjowemu wobornikej wjele myslow přez hłowu šuskaše. Wón dokładnje wědźeše, zo wuchowanske awto hač do Klukšanskeje pěstowarnje­ znajmjeńša 15 mjeńšin trjeba, jědźe-li wone přez Malešecy, je to 21 mjeńšin. A tak so tež sta.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND