Hnujacy dźeń rozžohnowanja za wjesnjanostu

póndźela, 03. awgusta 2015
artikl hódnoćić
(0 )
Wobornicy darichu Rolandej Trunschej wosebity wobraz. Foto:  Jost Schmidtchen Wobornicy darichu Rolandej Trunschej wosebity wobraz. Foto: Jost Schmidtchen

Hamor (JoS/SN). Wjele słowow dźaka a mnohe dopomnjenske dary sposrědkowachu minjeny pjatk wjelelětnemu Hamorskemu wjesnjanosće Rolandej Trunschej (njestronjan). Po 30 lětach je wón zastojnstwo złožił. Bjez dźiwa, zo dźakowachu so jemu za „žiwjenski skutk“, z kotrehož profituja wobydlerjo a pěstowarnje runje tak kaž wobornicy, rjemjeslnicy a předewzaćeljo. Wulke zbožo we wšěch lětach wězo bě, zo maja z Bjerwałdskim najwjetši jězor Sakskeje před nosom a w gmejnje z Hamorskej milinarnju wulkeho dawkipłaćerja.

Roland Trunsch je rodźeny Wojerowčan, kotrehož bě lubosć k mandźelskej do Hamora přiwabiła. Jako twarski inženjer dźěłaše w milinarni a je so na dobro gmejny čestnohamtsce angažował. Jako trjebachu 1985 noweho wjesnjanostu, chcyše so wón spočatnje dwě lěće zadźěłać. Dokelž pak jeho předchadnik njejapcy schorje, dyrbješe wot 1. nowembra 1985 gmejnu sam nawjedować.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND