Budyski žiwidłowy a weterinarny zarjad zaměrnje kontroluje
Budyšin (SN/mwe). Ćeže z tuchwilnej horcotu z temperaturami wjac hač 30 stopnjow celsija maja wosebje tež wikowarjo sadu, zeleniny a mjasa. W starownjach a dźěćacych zarjadnišćach, wšudźe, hdźež wšědnje čerstwu jědź warja a poskićeja, dyrbja přistajeni na to dźiwać, zo ničo skažene njeje. Zo njebychu strowotu konsumentow wohroželi, dyrbja tohorunja na wjesnych a druhich swjedźenjach dokładnje na kwalitu žiwidłow hladać. Tole čini tež žiwidłowy a weterinarny zarjad Budyskeho wokrjesa, kotryž přez cyłe lěto zaměrnje wšitke k žiwidłowej branši słušace objekty a zarjadnišća zaměrnje pruwuje.
