W lětnim dowolu čitarjo SN při morju a w horach byli

srjeda, 19. awgusta 2015
artikl hódnoćić
(0 )
Při dowolu na kupje Usedom měještaj małaj Filip a Beno po wšěm zdaću wjele wjesela w pěsku a we wodźe. Foto:  Clemens Škoda Při dowolu na kupje Usedom měještaj małaj Filip a Beno po wšěm zdaću wjele wjesela w pěsku a we wodźe. Foto: Clemens Škoda

Předewšěm staršim mjeńšich dźěći su w prózdninach motiwy swojich pjerachow najrjeńše dowolowe wobrazy. Wo tym swědčitej dopisaj, kotrejž stej tele dny do redakcije dóšłoj. Tak poby Christine Kurinkec z Isserody ze swójbu w Berchtesgadenskich horach, hdźež mějachu wulkotne móžnosće pućowanja. Na jednym z nich wuhladachu při lifće wabjensku taflu za zymski dowol z pokazku na sankowansku čaru. To sej šěsćlětna Anna dwójce kazać njeda a so na sanki sydny. Čujo so kaž w zymje ju hnydom „huškaše“, štož je nětko rjana dopomnjenka na dowolowu jězbu.

Nic zymsku kulisu, ale lětnje wjedro při morju mějachu Škodźicy z Kukowa a Lukašecy z Worklec při zhromadnym dowolu na kupje Usedom. Najwjetše wjeselo w pěsku měještaj najmjeńšej dowolnikaj Filip Lukaš a Beno Škoda. „Dokelž je so jimaj tak jara lubiło, je tónle wobraz naš faworit“, pisa nan Clemens Škoda.

wozjewjene w: Lokalka

Galerija

dalši wobraz (1) Wosrjedź lěća so w zymje čuć, to mału Annu huška. Foto: Christine Kurinkec
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND