Wóčko so smjało a płakało

póndźela, 31. awgusta 2015
artikl hódnoćić
(0 )
Z Chróšćanskim wosadnym fararjom Clemensom Hrjehorjom rozžohnowaštaj so wčera tež předsydka wosadneje rady Jadwiga Nukowa a předsyda Towarstwa Cyrila a Metoda Jurij Špitank (wotlěwa).  Foto: Alfons Handrik Z Chróšćanskim wosadnym fararjom Clemensom Hrjehorjom rozžohnowaštaj so wčera tež předsydka wosadneje rady Jadwiga Nukowa a předsyda Towarstwa Cyrila a Metoda Jurij Špitank (wotlěwa). Foto: Alfons Handrik

Ze swjedźenjom so wěriwi z fararjom Hrjehorjom rozžohnowali

Chrósćicy (aha/SN). Wulki farski dwór w Chrósćicach bě wčera popołdnju runje tak pjelnjeny kaž na folklornych festiwalach. Něhdźe 800 ludźi bě přeprošenje wosadneje rady sćěhowało a rozžohnowa so z fararjom Clemensom Hrjehorjom, kiž bě tam 18 lět skutkował.

Jemu k česći wuhotowany wjacehodźinski wotměnjawy kulturny program, kotryž Nukničan Roman Nuk moderěrowaše, swědčeše wo tym, kak woblubowany a připóznaty Clemens Hrjehor mjez wosadnymi je. Dźěći Chróšćanskeje pěstowarnje to runje tak spěwajo zwuraznichu kaž šulerjo tamnišeje zakładneje šule­ „Jurij Chěžka“ ze swojej derje předstajenej krótkohru, spisanej wot Wórše Wićazoweje. Tež chóraj Lipa a Meja, Wu­dworski folklorny ansambl a dujerjo so runje tak do programa zarjadowachu kaž němska a serbska dźěćaca šola. Kak derje wosadni swojeho fararja znaja, wo tym swědčachu prawe wotmołwy na kwiso­we­ prašenja.

wozjewjene w: Łužica

Galerija

dalši wobraz (1) Tež hobby Clemensa Hrjehorja, lětanje, je so w programje wosadneho swjedźenja jewił. Foto: Monika Gerdesowa
Prošu přizjewće so, chceće-li komentar podać

Serbska debata

nowostki LND