Wobydlerjo čuja so doma a kaž wulka swójba

štwórtk, 03. septembera 2015
artikl hódnoćić
(0 )
Wodnjo a w nocy staraja so přistajeni Koćinskeho domu ze stajnym hladanjom wo to, zo by so tam bydlacym derje šło.  Foto: Měrćin Weclich Wodnjo a w nocy staraja so přistajeni Koćinskeho domu ze stajnym hladanjom wo to, zo by so tam bydlacym derje šło. Foto: Měrćin Weclich

Koćina (SN/mwe). Tři lěta to mjeztym je, zo stej Brigita Salowscyna a Ramona Fischer jako wobhospodarjerce w něhdyšej Koćinskej šuli 15. awgusta 2012 nowy dom ze stajnym hladanjom wotewrěłoj a poswjećiłoj.

Dźensa knježi w dospołnje a za wjele pjenjez přetwarjenym twarjenju čiłe žiwjenje, je dźě wšitkich 22 městnow wobsadźene. Mjez wobydlerjemi su tež Serbja z Konjec a Rachlowa. Jako šefinje Wojerowskeje­ Fischerec&Salowskec ambulantneje hladanskeje słužby a Wojerowskeho hladanskeho parka zwoprawdźatej nazhonitej hladarce wot wšeho spočatka w Koćinje wobšěrny koncept. A tamniši seniorojo čuja so doma a kaž wulka swójba.

Tole wotbłyšćowaše so tež na njedawnym třećim lětnim swjedźenju, kotryž su wuměnkarjam, jich přiwuznym a dalšim hosćom přistajeni Koćinskeho domu ze stajnym hladanjom wuhotowali. ­Samo žortny program z powětrowymi klumpami běchu za nich nazwučowali. ­Přichwatali su tohorunja Koćinske dźěći kaž tež jich dźědojo a wowki, zo bychu ze spěwom a hraćom na instrumenće wobydlerjow zawjeselili.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND