Biosferowy rezerwat Hornjołužiska hola­­ a haty spěchuje zachowanje starych­ družin domjaceho skotu. Zaměr­ je, zo so jich genetiske herbstwo a tak mnohotnosć njezhubi.

Stróža (CK/SN). Durinska lěsna koza njerěka tak, dokelž je stajnje w lěsu žiwa, ale dokelž wottam pochadźa. Uwe Winkler a jeho mandźelska Doreen mataj wot lěta 2008 štyri kozy tejele družiny. Stróžanaj běštaj so za to rozsudźiłoj, dokelž móžetaj wot tejele kozy mjaso runje tak kaž mloko wužiwać. Nimo toho je to stara družina domjaceho skotu, kotruž běchu hižo wokoło lěta 1900 plahowali. Při- wšěm je wona wohrožena. Po wšej Němskej zličichu před lětomaj jenož 201 kozoła a 1 370 kozow. Uwe Winklerej bě to přičiny­ dosć, minjeny kónc tydźenja swoje­ kozy na Stróžanskich přirodowych wikach prezentować.