Robustna technika a rjane karosy

póndźela, 28. septembera 2015
artikl hódnoćić
(0 )
Wobdźělnicy 3. rallyeje Elbflorenz jědźechu sobotu tež přez Njeswačidło, hdźež před hrodom kołk do swojich podłožkow dóstachu.  Foto: Feliks Haza Wobdźělnicy 3. rallyeje Elbflorenz jědźechu sobotu tež přez Njeswačidło, hdźež před hrodom kołk do swojich podłožkow dóstachu. Foto: Feliks Haza

Njeswačidło (AK/SN). Stawizny oldtimerow, kak derje su hladane a kak funguja – bě sobotu najwažniša naležnosć ludźom, kotřiž dožiwichu wobdźělnikow 3. rallyeje Elbflorenz. 154 historiskich jězdźidłow bě dopołdnja w Drježdźanach startowało a jědźeše po 265 kilometrach nimo Łužiskeho koła přez Zły Komorow, Lejno, Łaz, Delni Wujězd, Manjow, Njeswačidło, Kamjenc a Połčnicu wróćo do Drježdźan.

„Wobradźamy přihladowarjam wjeselo, wotkrywamy sej rjane krajiny a ludźi po puću zapřijimamy. To nas motiwuje“, rjekny organizator Markus Hendel. Wjace hač sto rjadowarjow, sudnikow a pomocnikow bě wobdźělenych. Hinak hač při druhich rallyejach njebě spěšnosć rozsudna. Skerje prašane bě, kak so orientuješ, kak z jězdźidłom wobchadźeš, kak wobstajnje jězdźiš a prawu čaru namakaš. Na wjacorych městnach mě­rjachu čas, mjez druhim při Třižonjanskim jězoru, w Njeswačanskim hrodowym parku a na Kamjenskim torhošću.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND