Dźak za bohate płody přirody

póndźela, 05. oktobera 2015
artikl hódnoćić
(0 )
Tež nazymske debjenki Čornochołmčanskich wjesnych žonow z přirodnych maćiznow běchu kónc tydźenja na domchowance požadane.  Foto: Ulrike Herzger Tež nazymske debjenki Čornochołmčanskich wjesnych žonow z přirodnych maćiznow běchu kónc tydźenja na domchowance požadane. Foto: Ulrike Herzger

Domchowanka w Čornym Chołmcu do dnja regionow zapřijata była

Čorny Chołmc (AK/SN). Domchowanka dopomina na kulturu dźakowanja, na kulturu jědźe a na hódnotu žiwidłow. „Za nas je to tohorunja dźakownosć našim swěrnym wopytowarjam napřećo. Zo su woni přišli njeje samozrozumliwe“, podšmórny předsyda towarstwa Krabatoweho młyna Tobias Čižik sobotu připołdnju na domchowance w Čornochołmčanskim Krabatowym młynje. Samo z Berlina, Drježdźan a z Durinskeje běchu zajimcy přijěli. Woni připosłuchachu moderaciji Čorneho młynka (Dieter Klimek), kantorki (Pia Dobisch) w jeje swjedźenskej drasće a młodeho Krabata (Ole Dobisch) a zwjeselichu so nad rejemi a spěwami z musicala „Krabat“ Wojerowskeje hudźbneje šule. Towarstwo Krabatoweho młyna a Domowina stej zhromadnje na domchowanku­ přeprosyłoj. Podpěrowało je ju Załožba za serbski lud, 30 čestnohamtskich pomocnikow a towarstwa ze wsy.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Sobotu, 17. febraura,  měješe lětuša inscenacija „Paradiz w dobrej stwě“ Němsko-Serbskeho ludoweho dźiwadła na hłownym jewišću w Budyšinje premjeru. Tule podawamy wam někotre fotowe impresije z přemjerneho předstajenja a z premjerneho swjedźenja. Při

nowostki LND