Krótkopowěsće (08.10.15)

štwórtk, 08. oktobera 2015
artikl hódnoćić
(0 )

Nobelowe myto za literaturu

Stockholm. Lětuše Nobelowe myto za literaturu spožča běłoruskej žurnalistce a spisowaćelce Swetlanje Aleksijewičowej, zdźěli Šwedska akademija. W swojich knihach wěnuje so 67lětna wosebje katastrofam a wuskutkam rozpadowaceho ruskeho imperija. Lěta 2013 bu wona z Měrowym mytom němskeho knižneho wikowanja počesćena.

Kniha wulki zajim zbudźiła

Stróža. Něhdźe 40 ludźi je wčera na knižne předstajenje LND w Stróžanskim Domje tysac hatow přišło, hdźež čitaše Marko Grojlich ze swojeje nowostki „Mjez Křičom a Lubatu/Zwischen Lutherberg­ und Löbauer Wasser“. Wulki zajim překwapi tež hosćićelow. Mnozy dachu sej čitanku po zarjadowanju wot awtora signować.

Dokumenty za migrantow

Praha. W zwisku z cyłoeuropskej migraciskej žołmu přihotuja čěske statne zarjady ćišć dokumentow za potencielnych požadarjow wo azyl. Jedna so wo 100 000 wizumow EU, dale 30 000 dowolnosćow k přechodnemu a 20 000 k trajnemu přebywanju. Dźe wo prewentiwne přihoty; po tučasnych prognozach drje su ličby ćěkancow w Čěskej wo wjele mjeńše.

Prašak pola koni

wozjewjene w: Krótkopowěsće
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND