Wójnske škody we wobliču wsy

srjeda, 14. oktobera 2015
artikl hódnoćić
(0 )
Nawoda Njeswačanskeho domizniskeho muzeja Arnd Lehmann (srjedźa) je minjenu sobotu na hišće dźensa eksistowace wójnske škody z kónca apryla 1945 w srjedźišću wsy pokazał.  Foto: Manfred Laduš Nawoda Njeswačanskeho domizniskeho muzeja Arnd Lehmann (srjedźa) je minjenu sobotu na hišće dźensa eksistowace wójnske škody z kónca apryla 1945 w srjedźišću wsy pokazał. Foto: Manfred Laduš

Njeswačidło (ML/SN). Kónc apryla 1945 bu při ćežkich třěleńcach wojakow 2. pólskeje a sowjetskeje armeje přećiwo nadběhowacym jednotkam hitlerskeho wójska 85 procentow ­ twarjenjow w Njeswačidle sylnje wobškodźene­ abo zničene. Někotre we wjesnym srjedźišću njejsu hač do dźensnišeho znowa natwarjene. Wo tym móža so wopytowarjo we wustajeńcy w tamnišim domizniskim muzeju přeswědčić, kotraž je hač do 15. nowembra přistupna. Nawoda muzeja Arnd Lehmann je minjenu sobotu třeći króć tójšto zajimcow po wsy wjedł a jim škody a straty bojow na městnje rozłožił. Wodźenje za­poča so při radnicy, kotraž bě něhdy napřećo 1890 twarjenemu dwórnišću wila­ inženjera Huga Herrmanna. Při wojo­wanjach 1945 bu wila z tykowanymi swislemi­ z lěta 1912 runje tak zničena kaž susodne hospodarske twarjenja Pěčkec,­ nětko Guttec statoka. Na jich městnje je parkowanišćo při radnicy.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND