Krótkopowěsće (16.10.15)

pjatk, 16. oktobera 2015
artikl hódnoćić
(0 )

Taflički za šćežki

Njebjelčicy. Z woznamjenjenjom pućowanskich šćežkow w Njebjelčanskej gmejnje je so wčera tamniša gmejnska rada zaběrała. Kaž krajinowa architektka Ilona Palme rjekny, móhła sej komuna nowe taflički po něhdźe 80 procentach ze zjawnych pjenjez spěchować dać. Předstajeny naćisk koncepta wopřijima tež městna k sedźenju podłu šćežkow.

Wšitko wěsće dale běži

Zhorjelc. Předewzaće Borbet, kotrež w Kodersdorfje pola Zhorjelca twornju za zhotowjenje zwjenow twari, njeliči z wuskutkami VW-skandala na stejnišćo. Wokomiknje njeje wo wičnej słabosći ničo pytnyć, měni jednaćel Reiner Dürkop. Zaměrnje přichodnych sobu­dźěłaćerjow dale wukubłuja. 400 ma tam jónu dźěłać.

Twarja nowe naměsto

Mužakow. K přerjadowanju namjez­neho naměsta w Mužakowje započnu spočatk nowembra twarić. Wo přihotach a z tym zwjazanymi zaraćenjemi a wokołopućemi informowaše měšćanske zarjadnistwo wčera wobydlerjow. Naměsto chcedźa dospołnje nowe natwarić, štož so derje na wobchad do směra na Pólsku wuskutkuje.

Randall zapołoži přestawku

wozjewjene w: Krótkopowěsće
Prošu přizjewće so, chceće-li komentar podać

nawěšk

nowostki LND