Policija (20.10.15)

wutora, 20. oktobera 2015
artikl hódnoćić
(0 )
K ćežkemu wobchadnemu njezbožu je dźensa rano na S 94 mjez Njebjelčicami a  Pančicami-Kukowom dóšło. Při tym so tři wosoby zranichu.  Foto: Rocci Klein K ćežkemu wobchadnemu njezbožu je dźensa rano na S 94 mjez Njebjelčicami a Pančicami-Kukowom dóšło. Při tym so tři wosoby zranichu. Foto: Rocci Klein

Njebjelčicy. Na statnej dróze S 94 mjez wotbóčkomaj Njebjelčicy a Pančicy-Kukow je dźensa rano krótko po sedmich k ćežkemu wobchadnemu njezbožu dóšło. Wodźer Nissana měješe po wšěm zdaću jara nuzne. Po tym zo bě małotransporter přesćahnył, jemu to njedosahaše, tak zo najebać napřećiwny wobchad tež hi­šće Seat přesćahny. Při tym pak so napřećopřijěduceho Hyundaija šmórny, zhubi kontrolu nad wodźidłom, zrazy do nabóčneho wobhrodźenja a zjě­dźe wróćo na jězdnju. Młoda šoferka Seata njemóžeše hižo doborzdźić a hišće lochce do Nissana storči. Při njezbožu so šofer Nissana ćežko zrani, wodźerka Hy­un­daija lochko. Wobeju dowjezechu do chorownje. Šoferka Seata poćerpje šok. Dobro­wólnej wohnjowej woborje z Njebjelčic a Brěznje městno njezboža ru­mowa­štej. S 94 bě něhdźe tři hodźiny mjez Pančicami-Kukowom a Njebjelči­cami dospoł­nje zawrjena. Policija pře­pytuje mjez­tym přećiwo zawinowarjej njezboža hrubeho zasahnjenja do na­dróžneho wobchada dla. Wón bě sam přiznał, zo bě spěšnišo po puću był hač dowolene 100 km/h.

wozjewjene w: Policija
Prošu přizjewće so, chceće-li komentar podać

nawěšk

nowostki LND