Wudawki dokładnje pruwować

štwórtk, 22. oktobera 2015
artikl hódnoćić
(0 )

Běła Woda (AK/SN). Ćežke časy nastupajo financy ma město Běła Woda před sobu. „Wot 2015 do 2018 změjemy něhdźe tři miliony eurow mjenje dochodow. Tohodla­ dyrbimy swoje winowatostne a dobrowólne nadawki dokładnje přepruwować“, připowědźi komornik Rico Jung njedawno měšćanskim radźićelam.

Jeničce při dochodach z přemysłoweho dawka liči město klětu ze štyrjomi milionami eurami mjenje. Přidatnje dóstanu ze stron swobodneho stata Sakskeje 500 000 eurow mjenje připokazanjow. Chětro bolostnje wuskutkuje so tež wróćopłaćenje přemysłoweho dawka energijowemu koncernej Vattenfall. Tule ma Běła Woda wysoku sumu z lěta 2014 wróćić. Cyłkownje pak leži hospodarski plan 2015 hišće w ramiku, komornik potwjer­dźi. W prěnim poł lěće je město 16,04 milionow eurow dochodow nadźěłało. Z tym leži z k 54 procentam spjelnjenym planom samo nad wobličenym cilom. Na stronje wudawkow steješe k połlětu 15,68 milionow eurow a tak k 48,8 procentam spjelnjeny plan. „Cyłkownje smy tuž k połlětu pozitiwny wuslědk docpěli“, hódnoći Jung. Tole pokazuje so w dochodach z wobrotoweho a dochodoweho dawka. Tu zwěsćichu jasny plus.

wozjewjene w: Lokalka
Prošu přizjewće so, chceće-li komentar podać

nawěšk

  • 21. jolka-swjedźeń w Nuknicy je nimo. Štož zwostanje su dopomnjenki na rjany žortny a zabawny wječor w Nukničanskej Brězanec bróžni. Někotre impresije serbskeho wječora w Nuknicy, kotrež je naša fotografowka-wolontarka Hanka Šěnec zhotowiła, wam tule
  • Serbske Nowiny-LND-Tuchmacherstr. 27 02625 Bautzen: Jolka 12.01.2019
  • Serbske Nowiny-LND-Tuchmacherstr. 27 02625 Bautzen: Jolka 12.01.2019

nowostki LND