Milinu z třěchi za sebje a do syće

srjeda, 04. nowembera 2015
artikl hódnoćić
(0 )
Wjesnjanosta Njebjelčic Tomaš Čornak (CDU) a monteraj Thomas Heber a Thomas Sperl při přepodaću techniki fotowoltaiskeje připrawy.  Foto: Helmut Schippel Wjesnjanosta Njebjelčic Tomaš Čornak (CDU) a monteraj Thomas Heber a Thomas Sperl při přepodaću techniki fotowoltaiskeje připrawy. Foto: Helmut Schippel

Njebjelčicy (HS/SN). Hižo něšto měsacow drje holcy a hólcy hižo do noweje Njebjelčanskeje pěstowarnje chodźa, dospołnje zakónčili pak su twarski projekt hakle njedawno, jako natwarichu na južnej třěše fotowoltaisku připrawu. Za nju je gmejna 18 000 eurow ze swójskeje kasy wudała, dalše 30 000 eurow dóstachu spěchowane.

Za nowotwar pěstowarnje zamołwity Lipšćanski planowanski běrow Luca bě za fotowoltaiske dźěła firmu Swiptec tohorunja z Lipska wuzwolił. Monteraj Thomas Heber a Thomas Sperl staj dwaj dnjej 56 platow na płonej třěše připrawiłoj a wodźensku techniku w domje za- twariłoj. Kóžda z platow je 1,7 kwadratnych metrow wulka. Wottam ćeče  jenakosměrny prud (Gleichstrom) w štyrjoch kablach po 500 woltach a wosom amperach do nastroja, kotryž přeměnja milinu na měnjawy prud (Wechselstrom).

Porno powšitkownje wothódnoćacemu měnjenju wo kwaliće wudźěłkow z dalokeho wuchoda Lipšćanskaj instalateraj měnitaj, zo mjeztym tajke wudźěłki – w tymle padźe z Chiny – njejsu špatniše hač němske produkty.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND