Jubilejej aktiwnje podpěrać

wutora, 17. nowembera 2015
artikl hódnoćić
(0 )

Wojerecy (AK/SN). Přirada za serbske naležnosće města Wojerec chce klětušej jubilejej 200. posmjertnin serbskeho nakładnika, teologi a publicista Jana-Arnošta Smolerja kaž tež 100. posmjertnin spisowaćela Jurja Brězana aktiwnje přewodźeć. „W domje Domowiny chcemy zarjadować přednošk wo Smolerju“, podšmórny zastupowacy předsyda přirady Werner Sroka na njedawnym posedźenju rady, na kotrymž so čłonojo z dźěłowym planom za lěto 2016 rozestajachu.

Zakładna šula Handrij Zejler wotměje 12. junija projektowe popołdnjo w Hornim Hajnku. Tam chcedźa so z Jurja Brězanowym wjelelětnym skutkowanišćom kaž tež z jeho skutkowanjom zeznajomić. Hižo w meji budu so šulerjo ze spisami Brězana zaběrać. Po projekće zhotowja woni zešiwki k temje. W nich chedźa z krótkimi basnjemi spisowaćela počesćić. „Wuslědki chcemy potom we Wojerowskim Domowinskim domje wustajeć“, Sroka doda. „Najoriginelniše ideje hódnoćimy z mytom.“

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND