Wjesna rada a młodźinski klub zrěčenje wo wužiwanju šule wotzamknyłoj
Wotrow (AK/SN). Staru šulu we wsy smě Wotrowski młodźinski klub O2 přichodnje darmotnje wužiwać. Za to staraja so młodostni w šuli wo porjadk a syku trawu wokoło njeje, při parkowanišću kaž tež na wjesnym sportnišću. Tole předwidźi zrěčenje, kotrež je Wotrowska wjesna rada na swojim zašłym posedźenju jednohłósnje schwaliła.