Paduši awtow před sudnistwom

štwórtk, 10. decembera 2015
artikl hódnoćić
(0 )

Budyšin (SN/MWj). Ćežkeho padustwa w cwólbje we wjace hač 40 padach dla dyrbja so třo čěscy staćenjo wot 15. decembra před wulkej chłostanskej ko­moru Zhorjelskeho krajneho sudnistwa w Budyšinje zamołwić. Statne rěčnistwo jim wumjetuje, zo su zhromadnje z dalšimi wot lěta 2012 we wulkim stilu přede­wšěm multicary a připowěšaki za wosobowe awta kradnyli.

Sobu wobskorženy je po informacijach sudnistwa šef padušneje cwólby. 27lětny kuchar ze Šluknova je jednotliwe pady planował, organizatorisce přihotował a zaručił, zo móža pokradnjene jězdźidła přez hranicu do Čěskeje dowjezć. Wón so runje tak wo to staraše, zo ru­biznu dale předawachu. Při tym jemu tohorunja ze Šluknova pochadźacy 32lětny wobskorženy metalowy fachowy dźěłaćer pomhaše. Třeći je 51lětny mechanikar z Jiříkova, kiž bě na 25 njeskutkach wobdźěleny. Wšitke padustwa njeběchu na zbožo wuspěšne. W někotrych dyr­bjachu wobskorženi před policiju ćeknyć a pokradnjene jězdźidło stejo wostajić.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND