Wjace hač 500 dźěći so narodźiło

srjeda, 06. januara 2016
artikl hódnoćić
(0 )
Jeschkec mandźelskaj Anja a René z Kinsporka ze swojej dźowku Jolene, prěnim lětušim nowonarodźenym w Kamjenskej chorowni  Foto: Ines Eifler Jeschkec mandźelskaj Anja a René z Kinsporka ze swojej dźowku Jolene, prěnim lětušim nowonarodźenym w Kamjenskej chorowni Foto: Ines Eifler

Kamjenc (SN/MWj). Trochu pozdźišo hač w Budyšinje a Biskopicach je so prěnje dźěćo lěta 2016 w Kamjenskej chorowni maltezow swj. Jana hakle 4. januara w 9.06 hodź. narodźiło. Mała Jolene wažeše 4 150 gramow a bě 53 centimetrow wulka. Staršej z Kinsporka běštaj zbožownaj, swoje druhe dźěćo strowe w rukomaj dźeržeć směć, a běštaj zdobom tróšku hordaj, zo je jeju dźowka prěnje dźěćo noweho lěta w Lessingowym měsće. To zdźěla zamołwita za zjawnostne dźěło chorownje Ines Eifler.

W porodnej klinice pak mějachu hižo něšto dnjow do toho dalšu přičinu k wjeselu. 29. decembra bě tam 500. dźěćo lěta 2015 na swět přišło. Dohromady witachu loni 507 nowonarodźenych. Z nich bě 236 holčkow a 271 hólčkow. Tři žony porodźichu dwójniki. Najwjetše a najćeše dźěćko při porodźe bě 2. meje 59 centimetrow wulke a 4 820 gramow ćežke. Najwoblubowanišej předmjenje běštej loni Marie (wosom razow) a Matteo (tohorunja wosom razow). Na dalšich městnach slěduja pola holcow Frieda (7) a Hanna (7) a pola hólcow Ben (7) a Luca (6).

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND