Šulu předać nochcedźa

srjeda, 03. februara 2016
artikl hódnoćić
(0 )

Plan Budyskeho wokrjesa, w bywšej Běłochołmčanskej zakładnej šuli ćěkancow zaměstnić, bě so wo horce diskusije postarał. Wčera je gmejnska rada Łaz doskónčnje ně prajiła.

Łaz (AK/SN). Bywša Zakładna šula Fritza Kuby Běły Chołmc wostanje wobsydstwo Łazowskeje gmejny. Tole je wčera tamniša gmejnska rada rozsudźiła, mějo so tak po woli wobydlerjow na jich zhromadźiznje 29. januara. Minjeny pjatk bě so nimale 130 ludźi přećiwo předani wokrjesej wuprajiło. Jasny wčerawši rozsud přiwšěm njebě. Při wothłosowanju po mjenje bě dźesać radźićelow za předań šule, jědnaće přećiwo tomu.

Wokrjes chcyše Běłochołmčansku zakładnu šulu za 200 000 eurow kupić a w njej něhdźe połsta małolětnych ćěkancow bjez staršiskeho přewoda zaměstnić. Dom wobhospodarjeć měješe Dźěłaćerske dobroćelstwo. Za nakup, saněrowanje a wuhotowanje by wokrjes 1,75 milionow eurow wudał. Pozdźišo chcył objekt jako dźěsćownju dale wjesć.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND