Flamingi a čorne sroki na balu

srjeda, 03. februara 2016
artikl hódnoćić
(0 )
„Sexy čorne sroki“ ze Sulšec běchu minjenu sobotu jedna ze skupin, kotrež so w swojich pyšnych kostimach na maskowym balu w Kulowje wobdźělichu. Sobotu wuhladamy je tam w žónskim póstniskim ćahu.  Foto: Ulrike Herzger „Sexy čorne sroki“ ze Sulšec běchu minjenu sobotu jedna ze skupin, kotrež so w swojich pyšnych kostimach na maskowym balu w Kulowje wobdźělichu. Sobotu wuhladamy je tam w žónskim póstniskim ćahu. Foto: Ulrike Herzger

Runje tak kaž w tamnych karnewalowych srjedźišćach bliža so tež w Kulowje wjerškej pjateho počasa. Prjedy hač tam jutře žony komando přewozmu, wotměchu Kulowčenjo minjenu sobotu tradicionalny maskowy bal.

Kulow (UH/SN). Nimo kapičkowych wječorow a dalšich zarjadowanjow słuša tež maskowy bal ke krutym stołpam kóždeje Kulowskeje póstniskeje sezony. Minjenu sobotu bě w sportowej hali zaso tójšto zajimawych kostimow widźeć, za kotrež su jich nošerki a nošerjo wočiwidnje njeličomne hodźiny dźěła nałožili.

Wosebite chłóšćenki běchu, hdyž so cyłe skupiny w samsnym kostimje prezentowachu. Tak přichadźachu na přikład Koćinske „flamingi“, „tajne nošerki datow“ z Wojerec, „zubne soniny“ ze Salowa, Sulšečanske žony jako „sexy čorne sroki“, z čimž poćahowachu so na němske pomjenowanje rěki, kotraž přez jich wjes ćeče, Němčanske „gladiatorki“ kaž tež holcy z Čorneho Chołmca a Halštrowskeje Hole jako „lěsne kuzłarki“.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND