Njeswačidło (LR/SN). Njeswačanam a jich hosćom skići so nětko cyle nowa perspektiwa, dokelž při torhošću wulke twarjenje torhaja. W něhdyšej Bartkec pjekarni běchu hižo do Druheje swětoweje wójny a hišće po njej hač do srjedź 1950tych lět chlěb a całty pjekli. Tež znaty zubny lěkar dr. Jesinghaus je wěsty čas w domje praktikował. We wobchodźe poskićachu zeleninowe a rybjace speciality. Tež bydleni něhdy w domje běštej. Na­pohlad torhošća je so w běhu lětdźesatkow dospołnje změnił.