Kamjenska tafla zaso na městnje

pjatk, 19. februara 2016
artikl hódnoćić
(0 )
Kamjenska tafla potrěbnym tež pječwo poskića. Kerstin Mirtschink prawidłownje chlěb do regalow sortěruje. Wjednica wudawanišća Gabriele Tenne praji, chcedźa tam bórze zaso tež sobotu a njedźelu jednu ćopłu jědź wudawać. Foto: U. Menschner Kamjenska tafla potrěbnym tež pječwo poskića. Kerstin Mirtschink prawidłownje chlěb do regalow sortěruje. Wjednica wudawanišća Gabriele Tenne praji, chcedźa tam bórze zaso tež sobotu a njedźelu jednu ćopłu jědź wudawać. Foto: U. Menschner

Kamjenska tafla je zaso do swojeho stareho domicila zaćahnyła. Po tym zo bě woheń halu na Garnizonowym naměsće loni w januaru jara wobškodźił, dyrbjachu­ ju wobšěrnje saněrować.

Kamjenc (UM/SN). Nětko je hala znowa wužiwajomna a tafla zaso w njej zaměstnjena. Gabriele Tenne je dźakowna. „Zwólniwosć, nam po wohenju pomhać, bě jara wulka. Wšitcy su za jedyn postronk ćahnyli, sobu zapřimnyli a tež darili“, nawodnica wudawanišća a zastupowaca předsydka towarstwa Kamjenska tafla wujasnja. Při tym njebě po grawoćiwym wohenju scyła jasne, hač a kak dyrbi z wudawanjom zežiwidłow potrěbnym w Kamjencu dale hić. Tola hižo w februaru 2015 je mustwo wokoło Gabriele Tenne alternatiwu namakało a taflu přechodnje w njeposrědnjej bliskosći wobškodźeneje hale zaměstniło. A ludźo běchu za to jara dźakowni.

wozjewjene w: Socialne
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Mjeztym 5. dźěłarničku pod hesłom „Serbska narodna drasta“ je Kamjenska župa „Michał Hórnik“ 24. apryla na Chróšćanskej farje přewjedła. Tónraz wěnowachu so zhotowjenju a rjedźenju čěpcow a bantow. Předstajiła je dźěła něhdźe 20 zajimčam wěcywustojna

nowostki LND