Zyma so hišće njepodała

wutora, 01. měrca 2016
artikl hódnoćić
(0 )
Dźěći, kaž tule w Ralbičanskej pěstowarni „Dr. Jurij Młynk“, drje so nad sněhom najbóle wjeselachu.  Foto: Feliks Haza Dźěći, kaž tule w Ralbičanskej pěstowarni „Dr. Jurij Młynk“, drje so nad sněhom najbóle wjeselachu. Foto: Feliks Haza

Nalětnje kwětki pod tołstym sněhom – ale nic dołho

Budyšin (SN/MWj). Tajkile wobraz, kaž jón dźensa rano wuhladachmy, bychmy sej patoržicu přeli. Ale ně, runje meteorologiski spočatk nalěća smědźachmy so gratu přimać, zo bychmy na chódnikach, schodach a přijězdach do garaže sněh rumowali, kotryž je so cyłu nóc našoł. Cyle tak, kaž bě hižo wjacore dny připowědźene, je so wot wčera wječora njepřestawajcy sněžiło, tak zo dźensa w Hornjej Łužicy hač do dźesać centimetrow sněha naměrichu.

Byrnjež šoferojo poprawom chwile měli so na to nastajić, je w nocy a rano k wjacorym wobchadnym njezbožam dóšło. Tragiski wukónc měješe zražka na zwjazkowej dróze B 6 w Großharthauwje. Tam bě wodźer Audija na napřećiwnu jězdnju zajěł. Runje w tym wokomiku přijědźe jemu nakładne awto napřećo, zrazy do Audija a stłóči jón na kromje puća do wobhrodźenja. 42lětny šofer wosoboweho­ awta hišće na městnje njezboža zemrě.

wozjewjene w: Lokalka

Galerija

dalši wobraz (1) Na zasněženych dróhach je w nocy k wjacorym zražkam dóšło, mjez druhim tule w Jiłojcach (Eulowitz) pola Budyšina z třomi awtami. Foto: Christian Essler
dalši wobraz (2) Tež Jadwiga Gerberichowa w Dobrošicach dyrbješe dźensa sněh sypać.
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND