Rozsud radźićelow prawy był

štwórtk, 03. měrca 2016
artikl hódnoćić
(0 )

Trjebin (AK/SN). Bywša Trjebinska rostlinska wodočisćernja hižo njeeksistuje. „Po tym zo smy wšitke techniske při­prawy wotstronili, je teren nětko zasypany a saněrowany“, podšmórny zamołwity za hórnistwo Trjebinskeje gmejny Wolfgang Zech na wčerawšim posedźenju jeje radźićelow. Po słowach Zecha staj Choćebuski planowar a Brězowska zahrodniska firma derje dźěłałoj. Nětko chcedźa jenož hišće trawu wusyć.

Wjesnjanostka Kerstin Antonius (Trjebinske wolerske zjednoćenstwo) rěčeše wo prawym rozsudźe gmejnskeje rady, kotraž bě so za wottwar rostlinskeje wodočisćernje wuprajiła. Trjebinske wopłóčki dodawaja přez ćišćowe roły do Běłowodźanskeje čisćernje.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND