Łaz (AK/SN). Po cyłej Sakskej aktiwne wodosportowe towarstwo „Blaues Wunder“ móže so na sewjernym pobrjohu Třižonjanskeho jězora pola Běłeho Chołmca zasydlić. K tomu je so Łazowska gmejnska rada na swojim zašłym po­sedźenju wuznała. Kaž tamniši radźi­ćeljo wobzamknychu, chcedźa zrěčenje wo dalšim planowanju a zwoprawdźenju wotkryća sewjerneho pobrjoha jězora wudospołnić.