Pomjatna tafla za wotbagrowanu Nydej wottorhnjena a skóncowana
Łaz (AK/SN). Wosrjedź lěsa namakachu wuchodźowarjo pomjatnu taflu za wotbagrowanu wjes Nydej. „To bě njedaloko stareho zawodoweho puća z Hórnikec do Łaza“, powěda 75lětny stawiznisce zajimowany Łazowčan. Tafla bě na róžkach zezhibowana a z městnami rozdrapana. „Po wšěm zdaću je wona hižo dlěši čas na zemi ležała. To bě ryzy wandalizm“, měni rentnar. Wón přepoda taflu spěchowanskemu towarstwu Dom Zejlerja a Smolerja. Wone a Łazowska gmejna stej pad policiji přizjewiłoj.