Łaz (AK/SN). Dwurěčne stawizny Łazowskeje ewangelskeje wosady wotbłyšćuja so nětko tež na tamnišim pohrjebnišću, hdźež steji nětko kaž čłowjek wulka stela z łužiskeho zornowca. Stajnje na dwěmaj bokomaj je tam němsce a serbsce napisane „Jezus Chrystus praji: Ja sym žiwy, a tež wy budźeće žiwi“. „Dwurěčny napis je wosadna rada namjetowała“, podšmórnje jeje čłon Günter Wjenk, „tak wuznawamy so k serbskim stawiznam a rěči we wsy a we wosadźe.“